«Qazaqstannyń Paralımpıada quramasyna osyndaı jetistigi úshin erekshe alǵys aıtqym keledi. Sizder keremet nátıje kórsettińizder. Qaısarlyq pen tabandylyqtyń arqasynda bizdiń elimiz osy oıyndarda laıyqty óner kórsetti. Bul nátıjeniń sońynda sportshylardyń ózderine jáne olardyń jattyqtyrýshylaryna ǵana belgili orasan zor eńbek jatyr», dedi Eraly Toǵjanov.
Premer-Mınıstrdiń orynbasary buqaralyq sportty damytý jáne ınklıýzıvti ortany qurý máselelerine erekshe nazar aýdarý kerek ekenin aıtyp, bul máseleler Memleket basshysynyń jeke baqylaýynda ekenin jetkizdi. Eraly Toǵjanov memleket tarapynan sportty dáripteý úshin barlyq qajetti jaǵdaılardy jasaý aldaǵy ýaqytta da jalǵasatynyn málimdedi.
«Aleksandr ózine júktelgen senimdi tolyǵymen aqtady. Sizdiń jetistikterińiz rýhanı jigerdiń jarqyn úlgisi. Bizdi aldaǵy ýaqytta úlken jumys kútip turǵanyn atap ótkim keledi. Biz osy Paralımpıadada joǵary nátıjeler kórsetken QHR men Ýkraınanyń tájirıbesin muqııat zerdeleıtin bolamyz», dedi Dáýren Abaev.
Aleksandr Gerlıs qazaqstandyqtarǵa qoldaý kórsetkeni úshin alǵys bildirip, quramanyń barlyq jattyqtyrýshylar shtabynyń úılesimdi jáne kásibı jumysyn atap ótti.
XIII Qysqy Paralımpıada 4-13 naýryz aralyǵynda Beıjińde ótip, oǵan álemniń 50 elinen 700-den astam sportshy qatysty. Qazaqstan quramasy bir qola medalmen jalpykomandalyq esepte 17-orynǵa taban tiredi.
