«О́ńirde aýyldyq eldi mekenderdi, sonyń ishinde shalǵaı eldi mekenderdi joǵary jyldamdyqty Internetke qosý jalǵasýda. Shaǵyn Sorkól aýyly Qyzylqoǵa aýdany ınternet qoljetimdilikpen qamtamasyz etilgen on úshinshi aýyl boldy. Sorkólde barlyǵy 23 úı jáne 80 turǵyn bar. Ol Mııaly aýdany ortalyǵy men Saǵyz kenti arasynda Atyraýdan 300 kılometrden astam qashyqtyqta ornalasqan. Eldi mekenniń alys bolýyna baılanysty aýyl turǵyndaryna tek symdy telefon ǵana qoljetimdi boldy, mobıldi baılanys múldem jumys istemedi nemese turaqsyz bolǵan. Endi aýyl turǵyndary talshyqty-optıkalyq baılanys jelisine qosyla bastady. 23 úıdiń 11-i ınternetke qosyldy», dep habarlady Qyzylqoǵa aýdany ákimdiginiń baspasóz qyzmeti.
Sapaly Internettiń kelýimen aýyl turǵyndaryna bazalyq qyzmetter men servıster qol jetimdi bolady: memlekettik organdarmen, banktermen, zeınetaqy qorymen, telemedısınamen, onlaın-kitaphanalarmen, marketpleıstermen qashyqtyqtan ózara árekettesý, sondaı-aq áleýmettik jelilerde jáne messendjerlerde qarym-qatynas jasaý jáne taǵy basqalar.
