Qazaqstannyń ońtústik jartysynda jańbyr, al ońtústiktiń taýly aýdandarynda túnde jańbyr men qar jaýady. Respýblıkanyń soltústiginde jaýyn-shashynsyz aýa raıy qalyptasady. QR boıynsha jeldiń kúsheıýi, tuman, kóktaıǵaq, burqasyn, respýblıkanyń ońtústiginde naızaǵaı kútiledi, dep málimdedi «Qazgıdromet» RMK.
Túrkistan oblysynyń taýly, taý bókteri aýdandarynda tuman, naızaǵaı kútiledi. Oblystyń batysy men soltústiginde, taýly jáne taý bókteri aýdandarynda jel sekýndyna 15-20 metrge deıin kúsheıedi.
Shyǵys Qazaqstan oblysynyń soltústiginde, shyǵysynda-tuman, kóktaıǵaq, oblystyń ońtústik batysynda 15-20 m/s deıin jel kúsheıedi.
Shyǵysta, Qaraǵandy oblysynyń ortalyǵynda burqasyn, kúndiz jel 15-20 m/s deıin kúsheıedi.
Qyzylorda oblysynyń soltústiginde tuman, oblys ortalyǵynda 15-20 m/s deıin jel kúsheıedi, túnde oblystyń ońtústiginde kóktaıǵaq.
Aqtóbe oblysynyń shyǵysynda jel 16 m/s deıin kúsheıedi, túnde burqasyn bolady, oblystyń ońtústigine túnde tuman túsedi.
Qostanaı oblysynyń ońtústiginde jel 15-20 m/s deıin kúsheıese oblystyń soltústik-shyǵysynda tuman bolýy yqtımal.
Aqmola oblysynyń ońtústik-shyǵysynda 15-20 m/s jyldamdyqpen jel soǵady, túnde jáne tańerteń oblystyń soltústiginde tuman túsedi.
Soltústikte, Almaty oblysynyń taýly aýdandarynda tuman, shyǵysta 15-20 m/s deıin jel kúsheıedi.
Batys Qazaqstan, Mańǵystaý, Soltústik Qazaqstan, Pavlodar oblystarynyń soltústiginde, túnde Atyraý oblysynyń batysynda tuman túsedi dep kútilýde.
