Osyǵan oraı Soltústik Qazaqstan oblystyq prokýratýrasy resmı habarlama taratty. Onda eshqandaı alyp-qashpa áńgimelerge negiz joq ekendigi aıtylǵan. Úıindiniń astynda qalǵan adamdy TJD qyzmetkerleri qutqarý jumysymen aınalysýda.
Sonymen birge prokýratýra qazandyqtardyń jumysy toqtamaǵanyn, jylý beretin qosymsha qazandyq iske qosylyp, qalaǵa jylý berý úzilmegenin jetkizdi. Al halyqty dúrliktiretin jalǵan habar taratýshylar Qylmystyq kodekstiń 274 babymen jaýapkershilikke tartylatyny da jetkizildi.
Qazir kópqabatty úılerdiń turǵyndary jylý azaıdy degen shaǵym aıta qoıǵan joq. Biraq jamandyqqa jany qumar bireýler úreı týdyrýǵa jantalasýda ekeni de jasyryn emes. Ondaılar áıteýir bir jamandyqty izdep júredi. Qazir murjanyń qulaý sebebi anyqtalýda. Keshe Petropavlda qatty jel bolǵan edi, mújilgen murjanyń qulaýyna negizinen sol sebep bolǵany anyq.
