ARAB MÁDENIETINIŃ JYLY LEBI

Mamyrdyń 11-i men 14-i aralyǵynda ótken Birikken Arab Ámirlikteriniń Qazaqstandaǵy mádenıet kúnderi elordany ıslamı ımandylyqtyń áýenine uıytty. Adamnyń keýdesindegi kerim sezim­di túısinýge kóp ýaqytty sarp etýdiń qajeti joq. Kisiniń tynys-tirshiligine, arman-muratyna qarap-aq kóp jáıtti ańǵarýǵa bolady eken. Arabtyń mýzy­kasyn tyńdap, bıin tamashalap oty­ryp, “Kerýen” saýda oıyn-saýyq orta­lyǵyndaǵy “Ámir­lik aýyly” etno­qa­lashyq túrindegi salt-dástúrler kórmesin aralap shyǵyp, ult­tyq taǵam­daryn daıyn­daý kórinis­terine, qylqalam, qol­óner sheber­leri­niń kór­me­lerine kýá bola kele bul halyq­tyń ózimizden sonshalyq bóten emes ekenin, keı tusta oı-murattary bir jer­de toǵy­syp, ortaq múddege qury­la­­tynyn uqtyq. Arab mádenıeti, ıs­lam órke­nıeti atty qundylyqtar adam­gershi­lik pen ıman­dylyq izgilik­teri úshin qyzmet eteti­nin túısindirdi. О́ıt­keni, olar buryn-sońdy mádenıet kúnderiniń dástúrin­de kezikpegen úlgimen Qart­tar úıi men №61 orta mek­­­tepte óner kórsetti. Bir kel­gende jalǵyz­dyqtan jabyrqaǵan sherli jandar­dyń kókiregindegi muń men muzdy birden jibitip jibermes, degen­men de arab ónerpazdarynyń osyn­daı oryndarda qaıyrymdylyq sazdaryn áýeletip ketkeni kim-kimge de úlken oı salary anyq. Arab elinen kelgen bı ujym­ynyń ulttyq órnekke qurylǵan plastıka­lyq qımyldary qarttarǵa kóterińki kóńil kúı syılady. Jaı qaltadan rýhanı qaltanyń bos bol­ǵany qıyn. Qazirgi qoǵamnyń bir derti osy bolyp tur. Meıi­rimsizdik pen qatygezdik jaılap bara jatpasa, balalar úıi, qarttar úıi qalaı paıda boldy? Júrekter­ge jylý jetpeı jatyr. Sol jylý ásem án-bı arqyly az da bolsa qart­tar men sábılerdiń júregin meıi­rim shýaǵyna qandyrsyn degen oımen kelgen arab ónerpazdary maqsat­taryna jetkendeı. Qarttar ózderine arnaıy atbasyn burǵan Arab eliniń bı ujymyna taǵy da kelińizder degen qımastyq sezimderin jasyrmady. Al №61 orta mektebinde Birik­ken Arab Ámirlikteriniń shyǵarmashy­lyq ujymy konsert berdi. Má­denıet mınıstrligi men “Qazaq­stan hal­qynyń rýhanı damý qory” aksıo­nerlik qoǵamynyń qoldaýy­men júzege asyrylǵan mádenı shara barysynda elorda jurtshy­lyǵy Arab eliniń mádenıeti men salt-dás­túrinen biraz maǵlumat alyp, “Ámir­­lik aýyly” etnoqala­shyq túrin­degi kórmeden arab je­rin mekendeıtin halyqtyń ertedegi tarıhy men ómiri jaıly qyzyqty derekter tapty dep oılaımyz. Baspananyń túrli úlgi­leriniń ózi ótken tarıhtan kóp syr shertip tur. Bir sózben aıtqanda, Birik­ken Arab Ámirlikteriniń Qazaq­standaǵy mádenıet kúnderinde usy­nylǵan ǵajaıyp naqyshtardy bir-birlep tamashalaǵansha tórt kúndik sharanyń kózdi ashyp-jumǵansha qalaı óte shyqqanyn baıqamaı qalǵan jandar da bar. Qarashash TOQSANBAI.