Jańalyqqa toly Joldaý

Prezıdenttiń qańtar qasire­tinen keıin: «Men sol kúnderi qolymnan kelgen­niń bárin istedim. Bul meniń perzenttik ári Pre­zı­dent­tik paryzym edi» jáne «Refor­­ma jasap jatyrmyz degen ataq úshin refo­r­­ma jasaýdyń qa­jeti joq» degen eki sózi­nen-aq onyń qazaq jurty úshin ottan da, sýdan da taıynbaıtyn patrıot ári isker reformator ekenin dáleldep bergendeı.

Men de teledıdarǵa úńilip oty­ryp, Joldaýdan keıin Semeı men Jez­qaz­ǵannyń keı­bir jurt­shylyǵynyń jyla­­ǵa­nyn kórdim. Kezinde oblys or­­talyǵy mártebesinen aıy­ryl­­ǵan Semeıdiń biraz kisi­­niń О́skemenge kóship kelý­i arqyly bul qalany da bir­shama qazaqylandyrǵanyna qýan­ǵan­byz. Alaıda týǵan jerge ǵana týyn tikkisi keletin jáne ata-baba­larynyń otaý kóterip, ot jaqqan jerine, onyń ústine qazaq­tyń  ádebıeti ǵana emes, rýhanı bolmysymyzdyń alyptaryn bergen Semeı ólkesiniń qaıta jańaryp, jańǵyrý dáýirin bastaýy aıtarlyqtaı qýanysh edi. Sol sııaq­ty kıeli meken Ulytaýdyń ataýy oblysqa berilip, Jezqazǵan qa­la­synyń da ekinshi  ómirin bas­taýy jurtshylyqtyń kópten kútken habary bolatyn. Al Al­maty oblysynyń bolashaq or­ta­lyǵy Qapshaǵaı qalasyna hal­qy­myzdyń aıaýly perzenti Din­mu­hamed Qonaevtyń esimin berý jónindegi usynysyn búkil eldiń qoldaıtynyna senimdi­min. О́z otaýlarynyń shańyra­ǵyn qaıta kóterip jatqan úsh ólke halqynyń qýanyshtaryna ortaqpyn. Torǵaı ólkesiniń de qaıta túleý máselesine jáne kezinde shekara­lyq biraz aýdandardy eki-ekiden qosyp tastaǵandyqtan, olar da jaqsy kúnderge bolashaqta jeter degen oı keledi.

Prezıdent Qasym-Jomart Kemelulynyń Ulystyń uly kúni qarsańynda «Jańa Qazaqstan: Jańarý men jańǵyrý joly» atty halqyna jasaǵan Joldaýynyń ár tarmaǵy shynynda da úlken úmitke jeteler jańalyqqa, jaq­sylyqqa toly boldy. Kókeı­de júrgen kóp máseleniń túıinin sheshýdiń  tóte jolyn kórsetti dese bolar.

Bar mindetti tek Prezıdentke júkteı bermeı, Parlament pen Úkimettiń júgin de aýyrlatyp, olardyń iskerlikterin arttyrý máselesi, búginge deıin bedelin joǵalta bastaǵan saılaý pro­sesin jańasha ótkizý, depýtattar men bılik ókilderiniń halyq aldyndaǵy jaýapkershilikterin arttyrý,  Konstıtýsııalyq sot, ulttyq quryltaı, jańa partııa­lardy tirkeýdegi jeńildikter, eń bir jurtty rıza qylǵan Pre­zıdentten bastap, ákim-qara­lardyń týys-týǵandaryn bas­shy­lyq jumystarǵa jolatpaý jó­nindegi sheshimderi edi. Jasy­rary joq, munyń bári de óz ýaqy­tyn kútip turǵan aıaqqa túsken tusaýdaı túıtkilder bolatyn.

Endigi áńgime jarqyn bolashaq úshin bul mindetterdi júzege asyrýǵa bir kisideı jumylý qajet. Men erteńime kámil senemin.

Kádirbek SEGIZBAIULY,

jazýshy, Qazaqstannyń eńbek sińirgen qaıratkeri