Turǵambaev Sabyrbek Bazaralyuly 1964 jyly Taldyqorǵan oblysy, Andreev aýdany, Jylandy aýylynda dúnıege kelgen. Ol Taldyqorǵan ekonomıkalyq-tehnologııalyq kolledjin tabıǵat aýmaǵyn erekshe qorǵaý tehnıgi mamandyǵy boıynsha bitirgen.
Eńbek jolyn 1979 jyly «Lenın joly» sovhozynda jumysshy bolyp bastaǵan. 2010 jyldan beri «Jońǵar Alataýy» MUTP Alakól fılıalynda ormanshy qyzmetin atqaryp keledi.
Sabyrbek Bazaralyuly ormanshylar otbasynan shyqqan, ákesi men anasy da búkil ómirin orman sharýashylyǵyna arnaǵan. Ol mamandyq tańdaýda qatelespegen, óz ómirin tabıǵat qorǵaý salasyna arnaǵan jan. Jastaıynan ákesimen is-saparǵa jıi shyǵyp, tájirıbeli mamannyń ormandaǵy ómiri, ondaǵy ań-qustar týraly áńgimelerin tyńdap ósken, keıin osy salaǵa qyzyǵýshylyǵy artyp, jumys isteýge bekingen.
Sabyrbek Bazaralyuly óziniń qyzmettik mindetin óte joǵary deńgeıde atqaryp kele jatqan azamat. Jetisý oblysynyń úlgi tutar ormanshysy dep aıtsaq, qatelespeıtinimiz anyq. Is júzinde memlekettik orman qorynyń árbir qaraǵaıy, aýmaǵy úshin jaýap berýge daıyn ekenin udaıy dáleldep keledi. О́z sózinde «1979 jyldan beri qyzmet etip, qasymdaǵy qyzmetkerlerge ózimniń bilgenimdi úıretip kelemin. Bizdiń mindetimiz – Otanymyzdyń jasyl ormanyn, tabıǵat baılyǵyn saqtaý jáne qorǵaý ǵana emes, sonymen qatar azamattarǵa qorshaǵan ortaǵa uqypty qaraýdy ádetke aınaldyrýdy úıretý. Bul – eń qıyny. Eger siz adamdarmen jumys isteı almasańyz, onda bizdiń mamandyǵymyzdyń quny esh bolǵany. Biraq siz qaraǵaılardy kesýge nemese jan-janýardy atýǵa umtylǵan adamdy kezdestirseńiz, onda kún saıyn kishigirim quqyq buzýshylyqtarǵa tap bolýyńyz múmkin. Ásirese jaz mezgilinde órt qaýipi artqan shaqta tek arnaıy belgilengen aımaqtarǵa ǵana barýǵa bolatynyn, azamattarǵa órt qaýipsizdigi erejelerin saqtaý qajet ekendigin túsindirýde talmaı jumys atqarýyńyz qajet. Adamdardyń jaman qylyqtary, tabıǵatqa degen qurmetti joǵaltady», degen edi.
Prezıdent Almaty aglomerasııasyna qatysty túıtkilder kóp ekenin aıtqan. Oblys turǵyndary negizinen qala tóńiregine shoǵyrlanǵan. Uzynaǵashtaǵy nemese Talǵardaǵy máseleni Taldyqorǵanda otyryp sheshý ońaı emes.
«Almaty oblysynyń ortalyǵyna barý úshin halyqtyń bosqa sabylýyna týra keledi. Osy jáne basqa da jaıttardy eskere otyryp, Almaty oblysyn ekige bólýdi usynamyn. Bul óńirde Jetisý jáne Almaty oblystary qurylady. Almaty oblysynyń ortalyǵy Qapshaǵaıda bolýy kerek. Al Jetisý oblysynyń ortalyǵy Taldyqorǵan qalasy bolady», dedi Memleket basshysy.
Bul qadam aımaqtardy damytý isine tyń serpin beredi, sondaı-aq osy óńirlerge ekonomıkalyq ári rýhanı turǵydan serpilis ákelý jónindegi bastamalary eldiń arman-tilegimen úndesedi.
Ádil sheshim. Baqýatty halyq. Ashyq qoǵam. Damyǵan óńir. Ádiletti zań. Osynyń barlyǵy shynaıy demokratııanyń prınsıpteri. Al, prezıdentimizdiń joldaýynda munyń barlyǵy qamtyldy. Sondyqtan men barsha qazaqstandyqtardy birlikke úndep, Prezıdent bastamalaryn qoldaýǵa shaqyramyn!
Memleket basshysynyń ár sózin muqııat tyńdap otyrdym. Alǵan áserdi jetkizý múmkin emes. Ásirese Jetisý oblysy qurylatynyn jetkizgende janymdaǵylardyń bári qýandy. Endi tek bilek sybana kirisip jumys atqaryp, erekshe qorǵalatyn tabıǵı aýmaqtardy damytý, qorǵaý salasynda aıanbaı eńbek etý kerek. Qazirgi ýaqytta elimizde qýantarlyq jańalyqtardyń biri orman sharýashylyǵy jáne janýarlar dúnıesi qyzmetkerleriniń jalaqysy kóterilip keledi. Osy oraıda óskeleń urpaqty erte jastan mamandyqqa beıimdeý aıryqsha mańyzǵa ıe bolyp tur. Sonymen qatar jastar óziniń bolashaq kásibin sanaly túrde tańdaýy kerek.
Orman – jer betindegi tabıǵı qorlardyń baılyǵy. Prezıdent tapsyrmasy boıynsha 5 jyl ishinde orman qoryna 2 mlrd aǵash otyrǵyzylady. Osyǵan qarap-aq Sabyrbek Bazaralyuly sekildi azamattardyń eńbegi baǵalanatyn kún alys emestigin túsinýge bolatyndaı.
Botagóz Saǵynǵalıeva «Jońǵar Alataýy» MUTP
ekologııalyq aǵartý ınjeneri
