Almaty qalalyq polısııa departamenti habarlaǵandaı, Almaty oblysynyń 27-28 jas aralyǵyndaǵy eki turǵyny ustaldy.
Polısııa qyzmetkerleri kúdiktilerdiń bireýi buryn da bótenniń múlkin urlaǵany úshin isti bolǵanyn anyqtady.
«Bul joly kúdiktiler qarý-jaraq dúkeniniń múlkine kóz saldy. 6 qańtarǵa qaraǵan túni olar «Kamerad» qarý-jaraq dúkenin tonap, odan 5 tegis uńǵyly myltyq, patrondar men oq ótpeıtin jıdelerdi shyǵarǵan. Kúdiktiler ustalyp, qamaýǵa alyndy», dep naqtylady Almaty qalalyq polısııa departamenti bastyǵynyń orynbasary Berik Ábilbekov.
Kúdiktilerden zattaı dáleldemeler tárkilendi. Qazirgi ýaqytta, ustalǵandardyń basqa da, sonyń ishinde jappaı tártipsizdikter kezinde oryn alǵan qylmystarǵa qatystylyǵy tekserilýde.
Aıta ketsek, zańsyz áreket QR QK-niń 291-baby, 3-bóligi boıynsha tergelýde.
