Mezgil mozaıkasyn quraý úshin, ár kúnniń áýenine boı jylytý qajet. Sanadan ótken sáýle kelesi júrektiń qulpyn ashý úshin kompozısııany ystyq mahabbatpen jazýǵa tıissiz. Áıtpese áseri uzaqqa barmaıdy. Bul seniń jeke shyǵarmashylyq qýatyńa tikeleı baılanysty. Qazaqstandyq sýretshi Vladımır Kolodenkonyń «Qys. Shańǵyshylar» kartınasy osy úrdisti eske túsiredi.
Sýretkerdiń shyǵarmashylyq laboratorııasy ulttyq beıneleý óneri alańynda erekshe orynǵa ıe. Onyń peızajdary men natıýrmorttary kópjyldyq teatrdaǵy qyzmetimen baılanysty. Bul – tiri álemniń shyndyǵynan, mýzykalyq áserlerden, teatr qoıylymdarynyń sulýlyǵynan týyndaǵan sýretshi fantazııasy.
Avtor únemi sýretter men nobaılar sala júrip, tabıǵat ortasynda jumys istedi. О́mirdiń barlyq qyryn barynsha dál berýge umtyldy. Qylqalamyn tabıǵat boıaýlaryna maldy.
Baqsańyz «Qys. Shańǵyshylar» kartınasynda shańǵyshylardyń qysqy saıabaqtaǵy serýenin beınelegen. Birinshi plandaǵy jaıqalǵan bıik aǵashtar keneptiń betin tutastaı alyp jatyr. Butaq shilterleri arasynan túnergen bultty aspan men qalyń toǵaı syǵalaıdy.
Kartına spektakldiń dekorasııasyn eske salady. Bul onyń Abaı atyndaǵy MAOBT-da ssenograf bolyp jumys istegenin eske túsiredi. Sýretshi óz týyndysynda kórermenderdiń sezimin basqarý úshin myqty tetik bolatyn sándilik, yrǵaq, qarama-qaıshylyq syndy kórkemdik beıneleý amaldaryn paıdalanady.
Qoshqyl tústi «bıshi» aǵashtardyń qasynda shańǵyshylardyń fıgýralary kishkentaı, ashyq tańba bolyp kórinedi. Bul tabıǵattyń aıbyndylyǵyn sezdiredi, al shańǵyshylardyń kishkentaı fıgýralary kórermenderdiń nazaryn ózine tartyp, olardyń qysqy ormanǵa jasaǵan serýenin baqylatady.
