Alakólge jetkizetin temir jol ınfraqurylymy jaqsarady

Aıtalyq, 2020 jyly Jalańashkól stansasy vokzalynda jolaýshylar platformasy 500 metrge deıin uzartyldy. Bul jolaýshylardy otyrǵyzý men túsirýdi uıymdastyrý kezinde qaýipsizdikti qamtamasyz etýge múmkindik berdi. Poıyz kútýdi yńǵaıly etý úshin 9 pavılon (qalqalar) ornatyldy. Olar jolaýshylardy kún men qolaısyz aýa raıynan qorǵaıdy. Byltyr baspaldaq basqyshtarymen, taıanyshtarmen, aýladaǵy dárethanalar men múmkindigi shekteýli jandarǵa arnalǵan pandýstarmen jabdyqtaldy. Platformaǵa kes­pe tastar tóseý aıaqtalsa, onyń ishinde baspaldaqtardan qalqalarǵa deıingi joldar da bar. Sondaı-aq projektorlar ornatyldy.

 – Sonymen qatar 2018 jyly Aqshı stan­sasynda jolaýshylarǵa qyzmet kórsetý pýnkti bar óndiristik ǵımarat salyndy. Onyń jalpy aýdany 264 sharshy metrden asady. Jolaýshylar platformasynyń uzyndyǵy – 500 metr. 2020 jyly Kóktuma aýylyna qarama-qarsy stansadan 7 shaqyrym qashyqtyqta 500 metrge deıin jolaýshylar platformasy uzartyldy jáne alty qalqa (pavılon) ornatyldy. Biz osy vokzaldarda jolaýshylardyń poıyzdardy kú­tý jaǵdaılaryn jaqsartý boıynsha jumys­tardy jalǵastyrýdamyz, – dep atap ótti «QTJ» UK» AQ – «Magıstraldy jeli dıreksııasy» fılıaly dırektorynyń mindetin atqarýshy Ramazan Sadyrqulov.

Esterińizge sala ketsek, ótken jyly ulttyq kompanııada týrıstik fırmalardyń, qonaq úı kásiporyndarynyń jáne jeke tasymaldaýshylardyń qatysýymen úsh keńes ótken bolatyn. Onda balalar bıletteri men toptyq satyp alýlardy qosa alǵanda, jol júrý qujattaryn satyp alý boıynsha máselelerdiń deni sheshimin tapty. «QTJ» UK» AQ-da 2022 jyldyń jazǵy kezeńine jazǵy tasymaldardy qamtamasyz etý jospary ázirlendi jáne bekitildi. Máselen, sáýir aıynda týrıstik naryq qatysýshylaryn qosa alǵanda, barlyq qatysy bar qurylymdar shaqyrylǵan keńes ótedi.

2021 jyldyń jaz mezgilinde Alakól baǵytynda 182 myń jolaýshy tasymaldandy. Bıyl poıyzdardyń qatynaý merzimdiligi saqtalady. Bul rette usynylǵan oryndar sany ótken jylmen salystyrǵanda 11 myńǵa artady dep josparlanýda. Bıyl demalys maýsymynda Alakól baǵytynda barlyǵy 11 jolaýshylar poıyzy qatynaıdy, onyń ishinde:

 Nur-Sultannan:

– №54/53 «Nur-Sultan NJ-Dostyq», tasymaldaýshy «Jolaýshylar tasymaly» AQ (aptasyna 2 ret qatynaıdy);

– №258/257 «Nur-Sultan-1-Dostyq», tasymaldaýshy «Jolaýshylar tasymaly» AQ (aptasyna 2 ret qatynaıdy);

– №122/6942/6941/121 «Nur-Sultan-1-Dostyq» poıyzdary quramyndaǵy jolda kidirmeıtin vagondar, tasymaldaýshy «AraıTransKZ» JShS (jup kúnderi).

Almatydan:

– №221/222 Talgo «Almaty-2-Dostyq», tasymaldaýshy «Jolaýshylar tasymaly» AQ (aptasyna 2 ret qatynaıtyn bolady);

– №211/212 «Almaty-2-Dostyq», tasymaldaýshy «Jolaýshylar tasymaly» AQ (aptasyna 2 ret qatynaıtyn bolady);

– №22/6941/6942/21 «Almaty-2-Dostyq» poıyzdar quramyndaǵy  jolda kidirmeıtin vagondar «Jolaýshylar tasymaly» AQ (jup kúnderi);

– №137/138 «Almaty-Dostyq», tasymaldaýshy Vagon Service Almaty JShS (aptasyna 3 ret qatynaıtyn bolady);

– №453/454 «Almaty-2-Dostyq» tasymaldaýshy «Turan Ekspress» О́K JShS (aptasyna 3 ret qatynaıtyn bolady).

Shyǵys Qazaqstan oblysynan:

– №457/458 «Semeı-Dostyq», tasymaldaýshy «Jolaýshylar tasymaly» AQ (taq kúnderi);

– №459/460 «О́skemen-Dostyq», tasymaldaýshy «Jolaýshylar tasymaly» AQ (taq kúnderi);

– №6941/6942 «Aqtoǵaı-Dostyq», tasymaldaýshy «Jolaýshylar tasymaly» AQ (kún saıyn qatynaıtyn bolady).