Fýtbol tarıhyna kóz júgirtsek, 1985 jáne 1993 jyldary Eýropa men Ońtústik Amerıka chempıondary arasynda ÝEFA-nyń burynǵy prezıdenti Artemıo Frankıdiń esimimen atalǵan týrnır ótkizilgen edi. 1985 jylǵy básekede Fransııa Parıjde Ýrýgvaıdy (2:0) jeńse, 1993 jyly Argentına men Danııa quramalary kezdesip, negizgi kezeń 1:1 esebimen teń aıaqtaldy. Penaltı serııasynda argentınalyq fýtbolshylardyń baǵy jandy – 5:4.
Mine, araǵa 29 jyl salyp eki qurlyqtyń fýtbol salasyndaǵy basshylary atalǵan básekeni qaıta jańǵyrtý jóninde kelisimge keldi. Nátıjesinde, Fınalıssıma (ıtalıansha – «grand-fınal») dep atalatyn oıyn 2022 jyldyń 1 maýsymynda Anglııa astanasy – Londondaǵy «Ýemblı» stadıonynda ótetin bolyp bekitildi.
