EXPO tórindegi Naýryz toıy

Mereke aıasynda kúni boıy kórme qonaqtary úshin «Aq­jeleń» jáne «Tarlan» etno-folklorlyq ansambl­de­ri, sondaı-aq «Orda» jáne «Naz» bı ansamblderi óner­paz­da­ry­nyń qatysýymen bir­­qa­tar­ mádenı baǵdarlama  uıym­­das­ty­ryldy.

Merekege oraı Qazaqstan Respýblıkasynyń Ulttyq pavılonynyń aldynda kıiz úı tigilip, kelýshilerdiń na­zaryna qazaq halqynyń salt-dástúrleri men ádet-ǵu­ryp­ta­ryn kórsetetin teatr­­lan­dyrylǵan qoıylym usy­­nyldy. Sonymen qa­tar pa­vılon qonaqtary úshin qa­zaq jáne shyǵys taǵam­da­­rynan dastarqan jaıyldy. Kelýshiler qazaqtyń ba­­­ýyr­saq, jent jáne qurt sııaq­­­ty dástúrli dámderinen aýyz tıdi. Aıta keterligi, merekelik is-sharaǵa tanymal qazaqstandyq ánshi Dımash Qudaıbergen qatysty.

Esterińizge sala ketsek, EXPO-2020 dúnıejúzilik kór­me­si Dýbaıda 2021 jylǵy 1 qazan men 2022 jylǵy 31 naýryz aralyǵynda ótedi jáne Taıaý Shyǵystaǵy al­ǵash­qy EXPO kórmesi. Kórme ta­qy­ryby «Oılardyń baılanysy, Bolashaqtyń qury­lymy» EXPO-2020 Dubai Uıymdastyrý komıtetiniń derekteri boıynsha 19 naý­ryz­daǵy málimet boıynsha kórmege 20 mln adam keldi.

Qazaqstan Res­pýb­lı­ka­sy­nyń Ulttyq pavılony EXPO-2020 Uıymdastyrý komıtetiniń aqparaty bo­ıynsha osyndaǵy úzdik 10 pavılon­­n­yń qataryna kiredi. Búgingi tańda pavılonǵa 1,4 mln-nan astam adam kelip ketti.

Týrıstik múddelermen qosa, ol halyqaralyq bıznes-toptar arasynda joǵary iskerlik qyzyǵýshylyqqa ıe bolyp otyr. Búkil kezeń ishinde pavılon alańynda 50-ge jýyq iskerlik jáne mádenı is-sharalar josparlandy. Olardyń sheńberinde konferensııalar, forýmdar, V2V kezdesýler ótedi, sondaı-aq eldiń ınvestısııalyq jáne týrıstik áleýeti boıynsha jo­balar, ǵylymı jáne bilim berý bastamalary usy­ny­la­dy.

Talǵat SADYQULY