Zertteýlerge sáıkes, demalys jáne sport salasyndaǵy qyzmetterdiń kólemi jylyna 60%-dan astam ósti.
«2021 jyldyń qańtar–jeltoqsan aılarynda eldegi sport, demalys jáne oıyn-saýyq uıymdastyrý salasyndaǵy qyzmetter 400,5 mlrd teńgeni qurady, bul bir jyl burynǵyǵa qaraǵanda 60,9%-ǵa artyq», dep naqtylady Energyprom sarapshylary.
О́ńirlik bóliniste qyzmetterdiń 58,4%-y tek bir óńir – Almatyǵa ǵana tıesili boldy: 233,3 mlrd teńge, bul 2020 jylǵy qańtar-jeltoqsanǵa qaraǵanda 5,7 ese kóp.
Kóshbasshylar úshtigine elorda (43,6 mlrd tg, mınýs 37,2%) jáne Qaraǵandy oblysy (13,9 mlrd tg, mınýs 16,7%) kirdi.
Sport salasynda tikeleı qyzmetter 114,4 mlrd teńgege, demalys pen oıyn-saýyq uıymdastyrý salasynda 284,8 mlrd teńgege kórsetildi.
«Sport salasyndaǵy qyzmetterdiń eń kóp kólemin sport klýbtary kórsetti: 25,9 mlrd teńge, oǵan qosa jylyna 9,9%. Budan ári fıtnes-klýbtardyń qyzmeti jáne sport ǵımarattaryn paıdalaný boıynsha qyzmetter kórsetiledi», deıdi sarapshylar.
Oıyn-saýyq jáne demalys salasynda negizgi kólemdi oıyn-saýyq jáne taqyryptyq parkter qyzmetteri qurady: 9,2 mlrd tg, jyldyq ósim - 77,2%.
Zertteýlerge sáıkes, 2022 jyldyń aqpan aıynyń qorytyndysy boıynsha demalys, oıyn-saýyq jáne mádenıet salasyndaǵy qyzmetterdiń quny bir jylda 6,2%-ǵa ósti.
Onyń ishinde teatr qyzmetteri 26,2%-ǵa, basseınder (abonement) - 9,6%-ǵa, balalar attraksıondary - 7,4%-ǵa, kınoteatrlar - 5%-ǵa, trenajer zaldary (abonement) - 4,7%-ǵa qymbattady. Fotograftardyń qyzmeti 5,4%-ǵa qymbattady.
О́ńirlik bóliniste sektordaǵy baǵanyń eń joǵary ósýi Almaty oblysynda tirkelgen, baǵa bir jylda birden 15,2%-ǵa kóterildi.
Antı-lıderlerdiń úshtiginde Qyzylorda oblysy (12,4%-ǵa) jáne Shymkent (10,3%-ǵa) qalasy kórindi. Sonymen qatar, Qaraǵandy oblysynda sektorda kórsetiletin qyzmetterdiń 0,1%-ǵa shamaly arzandaýy baıqaldy.
