SÝBSIDIIаǴA SENIM

BANKTER BIZNESTI NESIELEÝDI QAITADAN QOLǴA ALDY Keshe “Rixos President Astana” qonaqúıinde Premer-Mınıstr Kárim Másimovtiń qatysýymen Ekonomıkalyq damý jáne saýda mınıstrliginiń, barlyq oblys ákimdikteriniń, “Damý” kásipkerlikti damytý qory” AQ-tyń, Qazaqstan qarjygerleri assosıasııasy jáne ekinshi deńgeıli bankterdiń arasyndaǵy jeke kásipkerlik sýbektileriniń nesıeleri boıynsha syıaqy mólsherin sýbsıdııalaý jónindegi yntymaqtastyq týraly kelisimge jáne “Bıznestiń jol kartasy-2020” baǵdarlamasyn iske asyrý sheńberinde kepildik berý jónindegi kelisimderge resmı qol qoıý rásimi bolyp ótti. Bul — bankter bıznesti nesıeleýdi qaıtadan qolǵa aldy degen sóz. “Bıznestiń jol kartasy-2020” baǵdarlamasy Úkimet qaý­lysymen bekitilip, onyń birinshi baǵytyn iske asyrý sheńberinde jeke kásip­ker­lik sýbektilerine ekinshi deń­geıli bankterdiń kre­dıtterine ke­pil­dik berý jónin­degi, sondaı-aq ekinshi deńgeıli bank kredıtterin sýbsıdııalaý jónindegi jáne “Bız­nestiń jol kartasy-2020” baǵdar­la­ma­synyń 1 jáne 3-baǵyttaryn iske asyrý sheńberinde jeke kásipkerlik sý­bektilerine ekinshi deńgeıli bank kredıtterin sýbsı­dııalaý jónin­de­gi yntymaqtastyq týraly ke­li­simder Úkimet otyry­synda ma­qul­danǵan bo­latyn. Keli­simderde jeke kásip­ker­lik sýbek­tileri úshin mem­le­kettik qoldaý kórsetý sharalary­nyń sharttary men te­tikteri be­kitilgen, sondaı-aq baǵ­darlamalarǵa qatysýshylar ara­syn­daǵy baılanys tártipteri ret­teledi. Mundaı qa­rym-qaty­nas­tardyń rettelýi baǵ­darlamaǵa qa­tysýshylardyń bar­ly­ǵyna birdeı qaraýdy, sonymen qatar memleket­tik qoldaý kórsetý ke­zinde qabyl­danatyn sheshimderdiń ashyqtyǵy men móldirligin qam­tamasyz etedi. Sharada “Bıznestiń jol kar­tasy-2020” baǵdarlamasynyń 2 baǵytyn iske asyrý sheńberinde Ekonomıkalyq damý jáne saýda mınıstrligi men Qazaqstan qar­jy­gerleri asso­sıa­sııasy arasyn­da árekettestik tý­ra­ly memoran­dýmǵa da qol qoıyldy. Aldymen Eko­nomıkalyq damý jáne saýda mınıstri Janar Aıt­ja­nova sóz alyp, búgingi tań­da bizdiń aldymyzda turǵan min­det­terdiń biri qazaqstandyq taýar óndirýshiler úshin qarjy res­ýrs­taryna qol jet­kizý jáne Ke­den odaǵy sheńbe­rin­de ashylatyn jańa múmkindik­ter­di barynsha paı­dalaný, sondaı-aq oǵan jaǵ­daı jasaý bolyp taby­la­tyn­dyǵyn jetkizdi. Otandyq ká­sip­ker­lerdi memleket tarapynan qol­daý maqsatynda Úkimet “Bız­nestiń jol kartasy-2020” baǵ­dar­lamasyn qabyldady. Bul bas­ta­ma qazaq­standyq bıznes qaý­ym­dastyǵy jáne bank ókilderi­men, sondaı-aq memlekettik or­gandarmen talqy­la­nyp, kelisildi, dep atap ótti mınıstr. Baǵdarlamaǵa respýblıkalyq bıýdjetten 30 mlrd. teńge qaras­ty­rylǵan. Bul qarjy úsh baǵyt boı­ynsha bólinip otyr. Jańa bıznes-bastamalardy qoldaýǵa 12 mlrd. teń­ge bólinetin bolady, al kásip­kerlik sektordy saýyqty­rý­ǵa 16 mlrd. teńge bólý jospar­lan­sa, 2010 jyly eksportqa baǵdar­lanǵan ón­diristi qoldaýǵa 2 mlrd. teńge bó­linbek. “Bıznestiń jol kartasy-2020” – eldi ın­dýs­trııalan­dyrýdyń 2020 jylǵa deıin­gi strategııalyq damý jos­paryn iske asyrý úshin ázir­lengen tetik­terdiń biri. Ol ekono­mı­kanyń shıki­zat­tyq emes sek­torlaryn­da­ǵy óńirlik ká­sip­­ker­liktiń tu­raqty jáne teń­­­gerimdi ósýin qam­­­ta­masyz etýdi, sonymen qa­tar jumys oryn­daryn saq­taý men turaqty jańa jumys oryn­daryn qurýdy kóz­deıdi. Qaty­sý­shy jo­balardy irik­teý ba­rysyn­da aldy­men ag­ro­ónerkásip kesheni, ken óndirý óner­kásibi salasyn­daǵy tehnı­ka­lyq qyz­metter, je­ńil óner­kásip jáne jıhaz shyǵarý, qurylys materıal­dary men me­tall emes ózge mıne­raldy ónim­der óndirý, metal­lýrgııa, metall óńdeý, máshıne ja­saý se­kildi ózge de ónerkásip sektor­la­ryna basymdyq beriledi. Elbasy tapsyrmasy boıynsha Úkimet oblys ákimdikterimen, bıznes qaýymdastyǵy ókilderi­men, ekinshi deńgeıli banktermen, qar­jygerlermen qysqa merzim ishinde bir­qatar naqty qujat­tar­dy tal­qylap, búgin mine, qol qoı­yp otyr. Men elimizdiń is­kerlik belsendiligin arttyrýdyń naqty joldaryn kórsetetin qu­jattyń mańyzy joǵary ekendigin aıtqym keledi. Úkimet sizdermen birge daǵdarystan keıingi kezeńde ulttyq bıznesti alǵa jyljytý maq­satymen onyń jańa tyny­syn ashýǵa múmkindik bermekke barlyq jaǵdaıdy jasaýda. Bizder daǵdarystan keıingi damýdyń jańa satysynda turmyz. Son­dyqtan ekonomıkalyq damýdy retteýdi qolǵa alýymyz qajet. Qazirgi ekonomıkalyq jaǵdaı múldem basqasha. Búgingi kúni bıznes-sheshim jeke bastama­lar­ǵa, aldymen jeke sektorǵa tıe­sili. Osy oraıda Úkimet aldyn­daǵy mindet – bıznes ókilderiniń jumys jasaýy­na jol ashý. My­saly, búgingi kelisim boıynsha qol jetkizilgen nesıeni paıyz­dyq mólsherde sýbsıdııalaý. Ke­lisim arqyly endi bıznes ókil­deri naqty sheshimder qa­byldap, bul resýrstardy bank­terden ala berýine bolady, dedi jıynda sóz sóılegen Úkimet bas­shysy. Onyń aıtýynsha, oblys ákim­­dikteri endigi jerde jergilikti jerlerde jaǵdaı jasaýy tıis, res­pýblı­ka­da quramyna barlyq sektor kirgen úılestirý keńesi jumys jasamaq. Bankte qarjy bar, zaemshylar bar, paıyz mól­sheri 7 paıyzdy quraıdy. Iаǵnı bar­lyq jaǵdaı jasaldy, endigi ju­mys bıznestiń qo­lyn­da, dedi Premer-Mınıstr K.Másimov. Venera TÚGELBAI.