Reseı negizinen portlandsement, túsqaǵaz, jylý saqtaǵysh materıaldar, lınoleým, plıta jáne áınek sııaqty taýarlar eksporttaıdy. Vedomstvonyń málimetinshe, taǵy bir iri jetkizýshi Qytaı jiberetin qurylys materıaldary jalpy ımporttyń 9,5 paıyzyn quraıdy.
«Sanksııaǵa baılanysty Reseıdiń Eýropa naryǵyna eksport shyǵara almaýy sebepti ishki naryq arzan reseılik qurylys materıaldarynyń aǵynyna tap bolýy múmkin. Bul ishki naryqtaǵy baǵa básekesin qatańdatyp, otandyq ónimdi tutyný deńgeıin tómendetedi. О́ndirýshiler baǵasynyń túzetilýine baılanysty jaqyn arada reseılik ımportty toqtatýymyz múmkin ekenin joqqa shyǵarmaımyz. Biraq bul uzaqqa barmaıdy. Sebebi kúnniń jylýymen baılanysty qurylys naryǵynyń belsendiligi arta túsedi», dep túsindirdi mınıstrlik.
Ulttyq statıstıka bıýrosynyń málimeti boıynsha, 2021 jyly qurylys materıaldary ımportynyń jalpy kólemi 1,4 mlrd dollardy quraǵan. Bul 2020 jylmen salystyrǵanda 26,8 paıyzǵa joǵary kórsetkish. Sonyń ishinde Reseıden keletin ımport – 27,6 paıyzǵa artsa, О́zbekstan men Túrkııadan keletin ımport kólemi 2,1 jáne 1,8 ese joǵarylaǵan. Qurylys materıaldarynyń ımporty sózsiz baspana naryǵyna da tikeleı áser etedi. Biraq vedomstvo turǵyn úı baǵasyna esh qaıran qyla almaıtynyn jetkizdi.
«Memleket jyljymaıtyn múlik naryǵyn qadaǵalamaıdy. О́ıtkeni naryq usynys pen suranys nátıjesinde qalyptasady. Baǵa kóptegen faktorlarǵa baılanysty qoıylady, onyń ishinde jer teliminiń quny, ınfraqurylymnyń, ınjenerlik jelilerdiń bolýy, turǵyn úıdiń ornalasý núktesi, qurylystyń ózindik quny baǵaǵa áserin tıgizedi. Memleket tek memlekettik ınvestısııa esebinen turǵyzylyp jatqan turǵyn úıler men áleýmettik nysandardy baqylaýǵa ǵana quqyly. Ondaı naryqta 1 sharshy metr baǵasy 160-240 myń teńge aralyǵynda bekitilgen», deıdi vedomstvo.
Qazaqstan qurylysshylar odaǵynyń aqparatynsha, ishki naryqta keıbir qurylys materıaldary eki ese qymbattap úlgergen.
«Baǵa ári qaraı da óse berýi múmkin. Sondyqtan tez arada óndirýshilermen baǵany kótermeýge kelisip, deldaldardy joıyp, belgili bir deńgeıde qoldaý sharalaryn uıymdastyrý qajet», deıdi odaq tóraǵasy Talǵat Erǵalıev.
Sondaı-aq sarapshylar, qurylys sektorynda jumys istep júrgen 30 myńdaı adam jumyssyz qalýy yqtımal dep dabyl qaǵady.
«Qarjylyq qıyndyqtarǵa baılanysty kóptegen kompanııalar tapsyrysty oryndaı almaı, nátıjesinde nysandar qurylysy toqtap jatyr. Jeke balabaqsha, mektep, aýrýhanalar ǵana emes, memlekettik nysandar qurylysyna da qaýip tónip tur. 2020 jyldan beri 600 memlekettik nysan qurylysy qarjylandyrylmaı qalǵan. Olarǵa shuǵyl túrde memlekettik kómek qajet», deıdi T.Erǵalıev.
Telegramdaǵy Risk Takers kanalynyń sarapshylary otandyq qurylys salýshylar naryq zańdylyqtaryna beıim emes, suranys tómendese baǵany kóterip jibergenge ádettenip alǵanyn aıtady. «Mundaı praktıka qurylys salasyndaǵy defolt ósimine ákelip soqtyrady», dep jazady kanal.
