Kúrdeli geosaıası jaǵdaı, ekonomıkalyq qysym, qańtardaǵy oqıǵalar – osynyń bári naýryzdaǵy Joldaýdy kópshilik úshin naqty is-qımyl tujyrymdamasy retinde jarııalaýǵa túrtki bolǵany anyq. О́ıtkeni qazaqstandyqtar elimizdiń endi qaıda jáne qalaı qaraı qadam basý kerek ekenin jete túsinbedi.
Sondaı-aq el azamattary eger eki jarym aı buryn ǵana bolǵan oqıǵalar múlde basqasha órbise jáne syn men synaqqa toly kezeńde Memleket basshysy berik ári naqty sheshimder qabyldamasa, eshqandaı Joldaý da, el de bolmaıtynyna kózderi anyq jetti.
Prezıdent Joldaýynda aıtylǵan saıası reformalar qańtardaǵy daǵdarystyq oqıǵalardyń saldary ǵana emes, bıliktiń sol kezde týyndaǵan máselelerdi sheshýge degen umtylysy bolatyn. Reformalar 2019 jyly bastaldy, olardyń qazirgi kezeńi tabıǵı jáne sál keıinirek oryn alýy múmkin, biraq bul reformalar el úshin asa qajet, sondyqtan kúshti demokratııalyq memleket qurýdy olardyń nátıjelerinsiz elestetý qıyn.
El Prezıdenti Qasym-Jomart Toqaevtyń Joldaýy reformalardy júrgizý qajettigin ıdeologııalyq turǵydan tereńirek jáne keńirek taldap bergenin erekshe atap ótkim keledi. Memleket basshysynyń ózi elimizde sheshimin tappaǵan máselelerdiń bar ekenin moıyndap otyr. Osynyń ózi túıinin tarqatýyn kútken máselelerdiń jartysy ǵana. Halyq arasynda Prezıdent Q.Toqaev qashanda problemalarǵa kóz jumbaı, ózge bireýge jaýapkershilikti arta salýǵa tyryspaı, birden sheshý joldaryn usynyp, jaýaptylardyń kemshilikterin kórsete otyryp, qalaı bolatyny týraly jol silteıtini jaıly pikir qalyptasqan.
Bizdiń elimizde jahandyq, túbegeıli ózgerister burynǵy júıeni bólshektemesten tez arada júrgizilmeıdi.
Prezıdenttik jastar kadr rezerviniń músheleri Memleket basshysynyń bastamalaryn iske asyrý úshin barlyq kúsh-jigerin jumsaýǵa daıyn. Munyń sebebi Memleket basshysynyń rezervtegi jastardy «ózgerister agentteri» dep ataǵandyqtan ǵana emes, sonymen qatar túp maqsaty eń basty «agent» retinde Prezıdenttiń «eldiń múddeleri bárinen buryn» degen negizgi ómirlik ustanymynda jatyr.
Asqar BAIMUQANOV,
Soltústik Qazaqstan oblysy Ishki saıasat basqarmasy basshysynyń orynbasary,
Prezıdenttik jastar kadrlyq rezerviniń múshesi
