Prezıdenttik jastar kadrlyq rezervi – búginde memlekettiń bolashaǵyna beıjaı qaramaıtyn jastarǵa zor múmkindik beretin jáne ony júıeli túrde júzege asyrýǵa jol ashatyn qural. Strategııalardy qurý men el damýynyń vektoryn belgileýde uzaqmerzimdi josparlaý jáne naqty maqsat qoıýdyń mańyzy zor. Dál osy mańyzdy mindetter el múddesi úshin qyzmet etýdiń jańa maǵynalaryn qalyptastyrady. Munyń barlyǵyn adamzat ǵasyrlar boıy «progress» dep atap keldi. Osy mejege qol jetkizý úshin túrli ıdeıalardy iske asyryp, qandaı da bir túrde strategııalyq maqsattardy anyqtady. Biraq bizde bir másele bar. Ony Memleket basshysy Qasym-Jomart Toqaev Nur Otan partııasynyń kezekten tys XXII sezinde «jas jáne qabiletti kadrlarǵa jol bermeý úlken kemshilik ekenin atap kórsetti. «Bir ǵana másele – áleýmettik lıftiniń joqtyǵy. Biz jas jáne qabiletti kadrlarǵa jol bermeımiz, bul – bizdiń úlken kemshiligimiz», dedi Memleket basshysy.
Máselen, men bárine kómekteskim keledi. Múmkin bolsa ultyna, jasyna, bilimine, áleýmettik jaǵdaıyna, turǵan jerine qaramaı qolymnan kelgenshe kómek qolyn sozsam deımin. Biz bárimiz bir-birimizge kómekteskimiz keledi. Adam balasynyń bolmysy osyndaı. Biz baqytty qoǵamda ómir súrgimiz keledi. Biz bir-birimizdi jek kórgimiz ne kókiregimizdi kókke kóterip júrgimiz kelmeıdi. Bul álemde bárine oryn bar. Bizdiń jerimiz baı, Qazaqstan bárin qamtamasyz ete alady. О́mir joly erkin jáne ádemi bolýy múmkin, biraq biz ondaı ómirden alshaqtamyz. О́ıtkeni sarańdyq adamdardyń janyn ýlady, álemdi jekkórýshilik qorshady, halyqty qasiret pen qantógiske ıtermeledi. Biz jyldamdyqty damyttyq, biraq ózimizdi jaýyp tastadyq. Molshylyq beretin ındýstrııa bizdi muqtajdyqta qaldyrdy. Bilimsizdik bizdi nadan etti. Bizdiń rýhymyz qatal jáne meıirimsiz. Biz tym kóp oılaımyz jáne tym az sezinemiz. Materıaldyq jaǵdaıdan góri bizge adamzat qajet bolýy kerek. Bizge maqtanýdan góri meıirimdilik pen adamgershilik qajet. Mundaı qasıetter bolmasa, ómir zorlyq-zombylyqqa ushyraıdy jáne bári joǵalady. Qazaq joǵalyp ketedi. Ushaq pen ınternet bizdi jaqyndastyrdy. Osy ónertabystardyń tabıǵaty adamdardy izgilikke, jalpy baýyrlastyqqa shaqyrady.
Qazirgi jastardyń múmkindigi zor. Olardyń sony tehnologııalardy jasaýǵa kúshteri, bilimi, kásibıligi jetedi. Búgingi jastardyń baqytty el quratyn kúshi bar. Bizderdiń, qazaq eliniń keleshekti, búgingi qoǵamdy, ómirdi erkin jáne ádemi etýge kúsh-jigerimiz mol. Ol úshin demokratııa jolynda osy kúsh-qýatymyzdy oń maqsatqa paıdalanýymyz qajet. Bárimiz birigip, Memleket basshysy aıtqan Jańa Qazaqstannyń jańa jolyn salýǵa atsalysýymyz qajet. Jastarǵa jumys isteýge múmkindik beretin laıyqty qoǵam – jastarǵa bolashaqqa senimdilik, qarttarǵa salıqaly qartaıǵan shaq qamtamasyz etetin jańa álem úshin kúreseıik. Ol úshin bizge sarańdyqty, jekkórýshilik pen tózimsizdikti joıý qajet. Ǵylym men progress – búkil adamzatty baqytqa jeteleıtin jol. Jańa Qazaqstannyń jastary osy joldy tańdaǵanda ǵana, osy maqsattyń aınalasynda birikkende ǵana dittegen mejege jete alamyz.
Sol sebepti barshańyzdy ǵylym men progreske ákeletin joldy tańdaýǵa, jastardy túsinýge shaqyramyn. Bul rette adam resýrstary eń mańyzdy alǵyshart bolýy kerek. О́ıtkeni memlekettiń eń qundy baılyǵy – elimizdiń bolashaǵyn jasaıtyn jastar. Alaıda osy tusta «Ataq-dańqy men qomaqty aqshasy joq, qarapaıym otbasynda tárbıelengen jas jigit strategııa týraly, ásirese jahandyq máselege qatysty ne isteı alady?» degen zańdy suraq týyndaıdy. Alaıda eshbir qoldaý, qarjysyz alǵa umtylǵan jastyń ózi – úlken kúsh!
Ánýar NURTAZIN,
ekonomıkalyq sholýshy,
saıasattanýshy, Prezıdenttik jastar kadrlyq rezerviniń múshesi
