Prezıdenttiń shamadan tys ókilettikterden bas tartý bastamasy saıası jańarý baǵytyndaǵy taǵy bir qadam. Parlamenttiń rólin kúsheıtý – «kúshti Prezıdent, yqpaldy Parlament jáne esep beretin Úkimet» saıası júıe keskin-kelbetin iske asyrý bılik ınstıtýttary men jergilikti ókildi organdardyń tepe-teńdigin qamtamasyz etýge baǵyttalǵan.
Atap aıtqanda, máslıhattarǵa saılaýdyń aralas úlgisin engizý óte ýaqtyly jáne halyqtyń suranysyna jaýap beredi. Máslıhattardyń rólin arttyrý jáne olardyń táýelsizdigin qamtamasyz etý úshin máslıhat tóraǵasy laýazymy engiziledi. Bul da biraz ýaqyttan beri talqylanyp, búgingi qujatta kórinis tapqan másele bolyp tabylady. Jergilikti basqarý organdaryn qarjylandyrýdy keńeıtý jáne olardyń menshik bazasyn keńeıtý kózdelip otyr.
Memleket basshysy jergilikti ózin ózi basqarý organdarynyń jumys isteýiniń irgeli qaǵıdattaryn aıqyndaıtyn qujat retinde esepteletin Eýropalyq jergilikti ózin ózi basqarý hartııasyn ratıfıkasııalaý qajettigi týraly aıtty. Osy sharalardyń barlyǵy jyl ortasyna deıin júzege asýy tıis. Bul bastamalar halyq pen bıliktiń arasyndaǵy senimdi arttyrýǵa septigin tızgizetini anyq.
Aqmaral ÁLNAZAROVA,
Senat depýtaty
