Aýyldardyń áleýeti artatyn boldy

Shynynda da halyq daýryq­pa sózden sharshady, ár adam je­ke basy kún saıyn jaqsy óz­ge­risti sezinbeıtin bolsa, bo­la­shaqqa senimi de bolmaıdy. Men árbir aýyldyq okrýgtiń óz qara­jaty bolatyny, aýdandyq jáne qalalyq máslıhat depýtattaryn halyqtyń partııalyq tizim boıynsha emes, tikeleı saılaıtyny jónindegi aqparatty estip qýandym. Shynynda da qazir depýtattardy halyq tanymaı da qaldy. О́ıtkeni depýtat partııa bekitken lınııadan shyǵa almaı, óziniń jeke pikirin aıta almaıtyn dárejege jetti ǵoı. Endi osy aıtylǵan ózgeristerdi tezirek júzege asyrý qajet. Tez arada, múmkin jarty jyl ishinde elimizdiń saılaý týraly zańdaryna tıisti ózgerister engizilse, jańa saı­laý­­lar óte bastaıdy. Kásibı saılaý komıssııalary qurylatyny, baıqaýshylardyń mártebesi zańmen bekitilip, qorǵalatyny saılaý sapasyn arttyra túsetini anyq. Mysaly qazir oblystyq saılaý komıssııasynyń shtatynda eki-aq adam bar. Bul árıne, jetkiliksiz ekeni túsinikti ǵoı. Aıta keteıin, bizde turaqty saılaý ótkizýmen aınalysatyn kásibı komıssııa keńes kezinde de bolǵan emes.

Taǵy bir másele – ár óńirdiń ózine tán ereksheligi, qalyp­tas­qan áleýmettik-ekonomı­kalyq áleýeti saralanyp, naqty iske kirisý kerek. Batys Qazaqstan oblysynyń aldynda turǵan eń úlken másele – aýyl halqynyń turmysyn jaqsartý der edim. Bizdiń aýyldardyń tolyq áleýeti áli ashylmaı jatyr. Prezı­dent óz Joldaýynda azyq-túlik máselesiniń óte mańyzdy eke­nin aıtty. Al bul másele aýyl­dy túletýmen ǵana sheshiledi. Aýyl halqynyń turmysy jaq­sarsa, olar qalaǵa kóshpes edi, qalanyń ınfraqurylymyna artyq salmaq túspes edi. Ár azamattyń adal kásip etýine, aýylda qalýyna jaǵdaı jasaý kerek. Eldi azyq-túlikpen qamtamasyz etý strategııalyq mindeti aýyl arqyly ǵana jasalady. Bizdiń halyqtyń tamyry aýylda. Biraq bizde, sonyń ishinde Batys Qazaqstan oblysynda aýyl sharýashy­ly­ǵy qazir óz deńgeıinde emes. Halyq malyn ósiredi, biraq qalaı sataryn bilmeıdi. Jún men teri óńdelmeıdi. Qus ba­ǵyl­maıdy. Osy mal sharýa­shy­lyǵy ónimderiniń bári aýyl­da óńdelip, dúken sóre­sine daıyn ónim qalpynda túse­tindeı etip jasaýymyz kerek. Aýylda egin tehnologııasy da durys qoldanylmaıdy. Dı­qan­darymyzdyń kóbi kókke qarap, tek jańbyrǵa senip otyrady. Al shetelde tabıǵı jaǵdaıy biz­den de qıyn jerlerde mol ónim alýdyń algorıtmderi ábden qa­lyp­tasqan. Sol úrdisti alyp kelý kerek. Únem men joǵary teh­nologııany aýylǵa keńinen engizsek, aýyldyń ekinshi tynysy ashylary sózsiz. Men bul sóz­di kóp jyl aýdan ákimi bolyp, sharýashylyq basqarǵan tá­ji­rı­bıemnen aıtyp otyrmyn.

Ǵaısa QAPAQOV,

Batys Qazaqstan oblystyq saılaý komıssııasynyń tóraǵasy