Halyqaralyq saıasat jańa týrbýlentti kezeńge aıaq basyp, geosaıası paradıgmalar ózgerisi memleketterdiń ekonomıkalyq jaǵdaıyna tikeleı áser etip jatqan kezeńde eldiń ishki tutastyǵy men syrtqy saıasatyn teńgerimdi túrde ustap turý ońaı emes.
Joldaýdaǵy eń mańyzdy oqıǵa – Ulystyń uly kúni qarsańynda elimizde jańadan Abaı, Ulytaý jáne Jetisý oblystarynyń qurylýy. Bul – tarıhı oqıǵa! Qazaqstandaǵy jańa ákimshilik-qurylymdyq ózgerister óńirler arasyndaǵy jańa baılanystardyń jol ashylýy men ishki kóshi-qon qozǵalysyna oń áser etip, óńirlerde jańa jumys oryndarynyń ashylýyna jáne kásipkerliktiń damýyna tyń serpin beretini anyq. О́ıtkeni qýatty Qazaqstandy qýatty óńirler arqyly ǵana qurýǵa bolady.
Elimizdiń damý baǵytyna jańa serpin beretin osy tarıhı qujattaǵy negizgi ıdeıa «Bul ǵalamda Qazaqstan óz halqynan basqa eshkimge keregi joq. Árıne dostarymyz az emes. Biraq bizdiń búgingi tynysh ómirimizdi, tabystarymyzdy, turaqty tirshiligimizdi kóre almaıtyn jaýlar da jetkilikti. Ony eshqashan esten shyǵarmaý kerek. Bizdiń bolashaǵymyz – bizdiń ǵana qolymyzda!» degen joldarda tur dep túsinemin. Bul – el bolashaǵyna beıjaı qaramaıtyn árbir azamattyń qazirgi ustanymy bolýǵa tıis.
Árıne, saıası reformalardy halyqtyń qoldaýynsyz iske asyrý múmkin emes. Osy jaǵynan alǵanda el taǵdyryna beı-jaı qaramaıtyn azamattarymyzdyń usynys-talaptary saıası partııalar men qoǵamdyq uıymdar arqyly máslıhat minbelerinde kórinýge tıis. Osy jaǵynan alǵanda óńir turǵyndarynyń barlyq máseleleri, talap-tilekteri jergilikti depýtattardyń belsendiligi men atqarýshy bılik ókilderiniń jaýaptylyǵy arqyly sheshileri anyq. Barlyq deńgeıdegi máslıhattardyń róliniń kúsheıýine kóppartııalyq júıe, ákimderdi taǵaıyndaý fýnksııasyna qatysý, qoǵamdyq keńesterdiń rólin kúsheıtý arqyly qol jetkizýge bolady.
Amangeldi NUǴMANOV,
Aqtóbe oblystyq máslıhatynyń hatshysy
