«Sharıǵatymyz boıynsha balıǵatqa tolǵan, aqyl-esi durys árbir musylmanǵa ramazan aıynda oraza ustaý – paryz. Alaıda, jolaýshylarǵa, syrqattanǵan nemese densaýlyǵy nashar adamdar aýrýynyń asqynýynan qaýiptense jáne senimdi dáriger uzaq ýaqyt boıy ashyǵýdan densaýlyǵy kúrt nasharlap ketýi múmkin degen sheshim qabyldasa, sondaı-aq júkti nemese omyraýda balasy bar áıelderge oraza tutýdy keıinge qaldyrýǵa sharıǵatymyz ruqsat beredi», dedi Naýryzbaı qajy Taǵanuly ortalyq kommýnıkasııalar qyzmetinde ótken baspasóz máslıhaty barysynda.
Bas múftı elordada dinı aqparat berý ortalyǵynyń iske qosylǵanyn habarlady.
«Eger orazaǵa, jalpy dinı máselege qatysty qandaı da suraqtaryńyz bolsa QMDB janynan dinı aqparat berý ortalyǵy ashylǵanyn qaperlerińizge salamyn. Jamaǵattyń suraǵyna der kezinde jaýap beretin ortalyqtyń nómiri – 33-30-30. Ortalyqqa Nur-Sultan qalasynyń kody arqyly telefon shalýǵa bolady», dep túsindirdi ol.
Ortalyqqa júgingen azamattarǵa din salasynyń bilikti mamandary táýlik boıy qazaq jáne orys tilindegi suraqtarǵa jaýap beredi.
