Laýazymdy tulǵanyń Qazaqstanǵa arnaıy kelýiniń mánisi mynada, 2016 jyly DDU men Qazaqstan birigip, DDU Eýropalyq alǵashqy medısınalyq-sanıtarlyq kómek ortalyǵyn qurǵan bolatyn.
Araǵa alty jyl ýaqyt salyp, DDU Eýropalyq bıýrosy men Qazaqstannyń birlesken áreketinińqorytyndysyn shyǵaratyn ýaqyt kelipti, ári Hans Klıýgeniń osy saparynda DDU-nyń Qazaqstandaǵy medısınalyq-sanıtarlyq alǵashqy kómek jónindegi bastapqy Demonstrasııalyq platformasyn qurý kózdelinip otyr.
Aldymen Hans Klıýge S.Asfendııarov atyndaǵy Qazaq ulttyq medısına ýnıversıtetinde QR densaýlyq saqtaý mınıstri Ajar Ǵınııatpen kezdesip, aldaǵy kezdesýler men MSAK salasyn nyǵaıtý bóligindegi Qazaqstan men DDU yntymaqtastyǵy máselelerin talqylady.
«Birinshi kezekte, Hans Klıýge myrza, siz, Eýropalyq óńirlik bıýronyń dırektory, DDU-nyń MSAK jónindegi keńsesindegi áriptesterimiz arqyly Dúnıejúzilik densaýlyq saqtaý uıymymen júzdeskenimizge qýanyshtymyz jáne MSAK júıesindegi ozyq tájirıbelerdi kórsetý úshin úzdik alań retinde Qazaqstandy tańdaǵandaryńyz úshin alǵys bildirýge ruqsat etińiz! Erteń Eńbekshiqazaq aýdany Esik qalasyndaǵy aýyldyq densaýlyq saqtaý nysanyn kórsetemiz», dedi mınıstr kezdesý basynda.
Ajar Ǵınııat elimizdiń densaýlyq saqtaý salasyndaǵy reformalar týraly aıta kele, mınıstr medısına qyzmetkerleriniń kásibı jaýapkershiligin saqtandyrý máselesin mysalǵa keltirdi.
QR Densaýlyq saqtaý mınıstrliginiń basshysy Qazaqstan medısınalyq-sanıtarlyq alǵashqy kómek boıynsha eki deklarasııanyń otany ekenin eske saldy. 1978 jyly múshe memleketter qabyldaǵan Almaty deklarasııasy búkil álemde densaýlyq saqtaýdyń damýyna jahandyq áser etti. 2018 jyly MSAK jónindegi jahandyq konferensııa alańynda DDU-ǵa múshe memleketter onyń izbasary – MSAK jónindegi Astana Deklarasııasyn qabyldady.
О́z kezeginde, DDU Eýropalyq óńirlik bıýrosynyń basshysy Hans Klıýge Qazaqstan Úkimeti men DDU Eýropalyq óńirlik bıýrosynyń arasyndaǵy aıryqsha yntymaqtastyqty atap ótti.
Doktor Hans Klıýge demonstrasııalyq platforma úlgisinde, ásirese aýyldyq densaýlyq saqtaýda MSAK-tyń úzdik tájirıbelerin ilgeriletý jónindegi Qazaqstannyń kúsh-jigerine óziniń tańdanysyn bildirdi.
«Adamdar turatyn eldi-mekenderde densaýlyq saqtaý qyzmetterine qol jetkizýdi qamtamasyz etý óte mańyzdy. Bul densaýlyq saqtaýdyń jańa dáýiri, ol turaqty damý maqsattaryna jáne DDU Eýropalyq baǵdarlamasyna óte jaqyn», dedi Eýropalyq DDU basshysy.
О́ńirlik DDU basshysy Qazaqstannyń medısınalyq-sanıtarlyq alǵashqy kómekti nyǵaıtýdaǵy tujyrymdamadan is-qımylǵa kóshý jónindegi mysaly MSAK ulttyq qyzmetterin damytýda basqa elderge kómektesýge arnalǵanyn atap ótti.
О́z kezeginde Ajar Ǵınııat Qazaqstan aldaǵy ýaqytta da MSAK jónindegi osy eki deklarasııany jahandyq deńgeıde belsendi túrde ilgeriletetinin málimdedi.
Almatydan bastaý alǵan eleýli oqıǵaǵa delegasııa quramyndaǵy birqatar joǵary laýazymdy qonaqtar, atap aıtqanda DDU-nyń Qazaqstandaǵy ókili doktor Karolın Klarınval (Caroline Clarinval), DDU Eýropalyq ortalyǵynyń alǵashqy medısınalyq-sanıtarlyq kómek jónindegi keńsesiniń basshysy Melıtta Iаkab (Melitta Jakab), Qazaqstan Respýblıkasy Densaýlyq saqtaý mınıstrliginiń ókilderi qatysty.
«Medısınalyq-sanıtarlyq alǵashqy kómek talaı el umtylyp otyrǵan Densaýlyq saqtaý júıesiniń barlyq maqsattaryna qol jetkizýdiń kilti: halyqtyń densaýlyǵyn jaqsartý, densaýlyq saqtaý qyzmetterimen jappaı qamtýǵa kóshý jáne profılaktıkaǵa, densaýlyqty nyǵaıtýǵa, aýrýlardy erte anyqtaýǵa jáne emdeýge basa nazar aýdarý arqyly teńsizdikti azaıtý, juqpaly emes aýrýlardan keletin mezgilsiz ólim-jitimdi azaıtý», dedi doktor Hans Klıýge.
Ol «aınalamyzdaǵy álem tez ózgeretin kezde»progress pen transformasııadaǵy jastardyń jetekshi rólin erekshe atap ótti.
Mınıstr stýdentterge Qazaqstandaǵy medısınalyq alǵashqy kómektiń damýynyń negizgi kezeńderi týraly baıandady. Búginde MSAK uıymdarynda 12 myńnan astam ýchaske jumys istep, onda 9 myń jalpy praktıka dárigeri pasıentterdi qabyldaıdy.
Mınıstr pandemııa kezinde negizgi aýyrtpalyq MSAK-qa artylǵanyn eske saldy. 150 myńnan astam naýqas tek MSAK deńgeıinde ǵana belsendi boldy jáne elimizdiń densaýlyq saqtaý júıesi bul synaqty laıyqty oryndap shyqty.
О́ńirlik DDU basshysy Hans Klıýgeniń sapary odan ári Almaty oblysynda jalǵasyp, mańyzdy kezedsýlermen Elordada aıaqtalady.
