Almaty qalalyq polısııa departamenti baspasóz qyzmetiniń málimetinshe, Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalary barysynda Naýryzbaı aýdanynyń 62 jastaǵy turǵynyn qamaýǵa alǵan.
«Taǵaıyndalǵan saraptamaǵa sáıkes, arnaıy is-sharalar kezinde 62 jastaǵy A. esimdi azamat gashısh esirtki zatyn saqtaǵany anyqtaldy. Kúdiktiniń turǵylyqty jerinde ruqsat etilgen tintý barysynda ósimdik tektes jáne erekshe ıisi bar birneshe polıetılen oramdary tabylyp, tárkilendi. Atap aıtqanda: dálizden 15 býma, shkaftan 11, taǵy 9-y kólikte jasyrylǵan. Sondaı-aq onyń turǵylyqty jerinen gaz tapanshasy tabyldy», dep naqtylady Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.
Polısııa qyzmetkeriniń aıtýynsha, kúdikti esirtki satqanyn tolyqtaı moıyndaǵan.
Atalǵan fakti QR QK-niń 297-baby 1-bóligi boıynsha tirkelip, qylmystyq is qozǵaldy.
Al kúdikti ýaqytsha ustaý ızolıatoryna qamalǵan.
