Sýretti túsirgen avtor
Kórmege Qazaqstan aýmaǵynda kezdese bermeıtin ýly órmekshiler qoıyldy. Aýyldyq jerde baý-baqshalarda júretin búıilerden bólekteý. Qyzyldy-jasyly, úlkendi-kishisi bar. Shyny jáshikterdiń ishinde tursa da, jyltyraǵan kózderine, jybyrlaǵan býyndy aıaqtaryna, túkti arqasyna qarap, tiksinip, titirkenip qalasyń. Ýly bolǵanymen, adamdy albaty shaqpaıdy. О́zine tóngen qaýipti sezgende ǵana shabýylǵa kóshedi eken. Kózderi kóp bolǵanymen, bul jándikterdiń kórýi nashar, estý qabiletteri de joq. Mańaıyn daýystyń tolqyndary arqyly ǵana sezedi.
Arahanologııa mamany, kórmeni uıymdastyrýshy Rústem Esen kórermenderge órmekshiniń ózdikterinen shaqpaıtynyn tájirıbe júzinde kórsetip, kózderin jetkizdi. Aldymen órmekshiniń túkti arqasyn sıpap kórdi. Ondaıda órmekshi zý etip qasha jóneldi. Sodan soń qolyndaǵy zatty sermep edi, órmekshi aıbat shegip, shaǵyp alýǵa yńǵaılandy. Demek, bul tirshilik ıesiniń ózdiginen adamǵa degen zııany joq ekendigin kórmege barǵan kópshilik túsindi.
Jalpy, jer betinde órmekshilerdiń 42 myń túri bar eken. Statıstıkalyq derekterde myńǵa jýyq túri joıylyp ketkendigi kórsetilgen. Degenmen kóbeıýi tez sekildi. Urǵashy órmekshi bir salǵanda, 3 myńǵa jýyq jumyrtqa salatyn kórinedi. Qorektenýi de qyzyq. Biri azyǵyn tor quryp aýlasa, endi biri jyrtqysh ańdaı aýlap alady. Sóıtip tirshiligi jalǵasa beredi. Mine, tirshiligi taban astyndaǵy órmekshilerdiń ómirimen aınaldyrǵan bir saǵatta-aq tanysyp shyqtyq.
О́SKEMEN
