Qysqasy, indettiń qaqpasy bolǵan Almatyda bul kesel izim-qaıym qurydy deýge áli de erte. Sońǵy resmı derek boıynsha, megapolıste 23 naýryzda 8 adamnan KVI tabyldy. Infeksııalyq stasıonarlarda 86 adam emdelip jatyr, ishinde 11 bala bar.
Qalada jaǵdaı aıtarlyqtaı turaqtalǵannan keıin, «Almatyda shekteý sharalaryn alyp tastaý máseleleri jóninde» baspasóz jıyny ótken edi. Kópshilik oryndar men jabyq jerlerde maska rejimi mindetti bolyp qala beretinin málimdegen qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova indet juqtyrý kórsetkishiniń tómendeýi qoldanystaǵy shekteýlerdi, sonyń ishinde Ashyq jobasy boıynsha shekteýlerdi jeńildetýge múmkindik bergenin atap ótti. Almatylyqtar úshin ekpe alý men qaıta vaksınalaý áli de mańyzdy, ımmýndyq qabat keminde 75-85% bolýy kerek. О́kinishke qaraı, Almatyda ımmýndyq qabat 60%-dan aspaıdy.
«Búginde vaksınalyq profılaktıka juqpaly jáne parazıttik aýrýlarǵa, sonyń ishinde koronavırýsqa qarsy negizgi qorǵanys sharasy bolyp qala beredi», deıdi SEBD basshysynyń orynbasary.
О́z kezeginde Almaty kásipkerler palatasynyń dırektory Aıtýar Qoshmambetov kópshilik oryndarda Ashyq júıesin qoldaný mindetti emestigin jáne bıznestiń óz sheshimi boıynsha erikti túrde júzege asyrylýy múmkin ekenin habarlady. Biraq ol da bólmelerdegi maska taǵý rejimi joıylmaǵanyn jetkizdi. Spıker Almatyda shekteý sharalary kezinde Ashyq jobasyna 24 myńnan astam bıznes sýbektisi qatysqanyn atady.
«Epıdemııalyq ahýaldyń jaqsarýyna baılanysty Koronavırýs ınfeksııasynyń taralýyna jol bermeý jónindegi mekemearalyq komıssııa shekteý sharalaryn jeńildetý týraly sheshim qabyldady», dedi A.Qoshmambetov.
«Qyzyl aımaqta» ornalasqan aımaqtardaǵy Ashyq qatysýshylary óz qyzmetin nysandardyń tolýyna qaraı shekteýler engize alady. Budan basqa, bıznes ókili vaksınalanǵan qyzmetkerler men kelýshilerge qoıylatyn talaptardy engizý qajet pe, joq pa, ony da ózi sheshedi», dedi Kásipkerler palatasynyń dırektory.
A.Qoshmambetov eldiń kópshiligi betperde rejimine qatysty tarmaqty qate qabyldaǵanyn aıtady. Jabyq jerlerde jáne qoǵamdyq kólikterde maska rejimi áli de mindetti. Sondyqtan osy talaptardy saqtaýdy jalǵastyrý qajet. Budan basqa, eldiń bas sanıtarlyq dárigeriniń qaýlysymen: kúndizgi rejimde, ıaǵnı qyzmet kórsetý nysandarynda COVID-19-ǵa qarsy vaksına almaǵan qyzmetkerlerdi jumysqa jiberýge shekteýler, sondaı-aq vahtalyq ádispen jumys isteıtin uıymdardyń qyzmetkerleri úshin vahtaǵa kirý jáne shyǵý kezinde PTR ádisimen mindetti zerthanalyq testileý alynyp tastalǵanyn eske sala ketý kerek.
A.Qoshmambetov bas sanıtarlyq dárigerdiń qaýlysynyń qosymshasynda «qyzyl» mártebesi bar kelýshilerdi anyqtaý sharalary kórsetilgenin jetkizdi.
ALMATY
