Bul týraly jýrnalıst Danıele Longo aqparat taratty. 28 jasar fýtbolshyǵa «quda túsýshiler» sany kún ótken saıyn artyp keledi. Alaıda Dıbalanyń ózi argentınalyq maman jattyqtyratyn «Atletıko» fýtbol klýbynyń jeıdesin kııýge nıetti. Buǵan deıin «Iýventýs» basshylary kelisimshartty uzartý máselesi boıynsha fýtbolshymen kelisimge kele almaǵanyn málimdegen bolatyn. 2015 jyldan beri «Iýventýs» namysyn qorǵaǵan argentınalyq shabýylshy osy maýsymda 29 márte jasyl alańǵa shyǵyp, 13 goldyń avtory atandy. Sondaı-aq Paýlo áriptesterine alty nátıjeli pas bergen.
