Is-sharaǵa Mańǵystaý oblysynyń ákimi Nurlan Noǵaev, QR Mádenıet jáne sport vıse-mınıstri Erjan Erkinbaev, Túrkııa, Germanııa, Kýveıt, BAÁ, О́zbekstan, Reseı, Qyrǵyzstan, Grýzııa jáne Qazaqstannyń iri jáne halyqaralyq týroperatorlary qatysty. Keńeste sondaı-aq, Mańǵystaý oblysynyń týrızmin damytý máselesi talqylanyp, jańa reısterdi ashý máseleleri pysyqtaldy. Is - sharanyń maqsaty-Qazaqstanda týrızmdi damytý jáne halyqaralyq týrıstik kompanııalardyń ózara yntymaqtastyqqa qyzyǵýshylyǵyn arttyrý.
Kezdesýde Mańǵystaý oblysynyń, Aqtaý qalasynyń týrıstik áleýeti jáne Tetysblu Aktau jobasy tanystyryldy. Jobaǵa sáıkes, demalys aımaǵynyń aýmaǵynda turǵyndarǵa qoljetimdi taqyryptyq oıyn-saýyq parki, otbasylyq demalys úshin sý, jer ústi jáne áýe attraksıondary salyndy. Demalys aımaǵynda sýburqaq, meıramhana, azyq-túlik dúkenderi bar. Nysandy kórýge kúnine 4,5 myńǵa jýyq adam barady dep josparlanýda.
Ortalyqtyń janynda golf-klýb jáne 300 nómirli golf-qonaq úı salyndy.
