Memleket basshysy «reformalar úshin reformalarǵa» qarsy shyqty. «Qaǵaz betinde ǵana júzege asyrylǵan, biraq shyndyqqa esh janaspaıtyn jalǵan tabystarǵa masattanyp otyratyn zaman kelmeske ketti. Halyqqa kópirme sóz, bos ýáde emes, kózben kórip, qolmen ustaýǵa bolatyn oń ózgerister kerek. Biz kúshti Parlamenti bar prezıdenttik respýblıkany quryp jatyrmyz», dedi ol.
Onyń aıtýynsha, sońǵy jyldary júrgizilip jatqan reformalar keıbireýlerge unaǵan joq. Sondyqtan yqpaldy adamdar ózderiniń zańsyz áreketterin kedergisiz jalǵastyrý úshin qoldan kelgenniń bárin jasady. Onyń pikirinshe, «bárin barmaq basty, kóz qystymen» sheship úırengen adamdar buǵan deıingi artyqshylyqtary men tabys kózderin joǵaltyp alýdan qoryqty. Bul qańtar oqıǵalardy týyndatty. Beıbit sherýge shyqqandardy arandatýshy toptar óz maqsattary úshin paıdalandy.
«Zań bárine ortaq, oǵan bıliktegi azamattar da, qoǵam belsendileri de birdeı baǵynýǵa tıis», dedi Q.Toqaev. Prezıdenttiń aıtýynsha, Qazaqstanǵa «halqymyzdyń qaýipsizdigi jáne azamattardy áleýmettik qorǵaý» úshin burynǵysynsha aýqymdy reformalar qajet. Q.Toqaev tamyr-tanystyq pen jemqorlyqqa qarsy kúres jarııalady.
Reformalar boıynsha Prezıdenttiń budan bylaı mýnısıpalıtetterdiń ákimderin qyzmetten bosatýǵa quqy bolmaýy kerek. Parlamenttik baqylaý keńeıtilip, Prezıdenttiń Konstıtýsııalyq sottyń tóraǵasy men Joǵary Sot Keńesiniń tóraǵasyn taǵaıyndaýy Parlament Senatynyń maquldaýyn talap etedi. Memlekettik qyzmetshiler men saıası qaıratkerler bir mezgilde atqara alatyn laýazymdar sany shekteýli bolady.
Reformalar Májiliske de qatysty bolmaq, onda depýtattardyń 70 paıyzy partııalyq tizimder boıynsha proporsıonaldy ókildik boıynsha tikeleı daýys berý arqyly, al 30 paıyzy majorıtarlyq júıe boıynsha saılanatyn bolady. Ortalyq saılaý komıssııasy úlken táýelsizdikke ıe bolady. Parlament kóbirek zańnamalyq ókilettikterge ıe jáne eldiń búkil elektoratynyń únin jetkizýshi bolady.
Saıası partııalar qurý úshin burynǵydaı 20 myń emes, 5 myń múshe jetkilikti bolady. Saılaý qorlaryna qaıyrymdylyqtyń shekti mólsherin engizý jeke tulǵalardyń saılaý barysyna áserin boldyrmaýǵa kómektesedi.
Prezıdent Q.Toqaevtyń aıtýynsha, qylmystyq qýdalaý salasy da reformalanyp, azamattardyń quqyqtary keńeıtiledi. Azaptaý jáne qatygezdik jaǵdaılary tolyǵymen jáne derbes tergeledi. Konstıtýsııalyq sot bolashaqta azamattardyń konstıtýsııalyq quqyqtarynyń saqtalýyn qadaǵalaýǵa tıis, Adam quqyqtary jónindegi ýákil de oǵan júgine alady. Joǵary Sot Keńesiniń otyrystary onlaın rejimde kórsetiletin bolady, sýdıalardy irikteý prosesi neǵurlym ashyq bolady, al alqabıler sottary keńeıtiledi.
Prezıdent BAQ róliniń mańyzdylyǵyn da atap ótti. BAQ bostandyǵy men básekelestikti qamtamasyz etý maqsatynda BAQ týraly zań da reformalanady. Q.Toqaevtyń aıtýynsha, táýelsiz BAQ-syz demokratııalandyrý isin ilgeri jyljytý múmkin emes.
