Májilis Tóraǵasy saılandy

Keshe tús qaıta arnaıy ótkizilgen jalpy otyrysta úsh másele qaraldy. Depýtattar kún tártibinde Májilis Tóraǵasyn, onyń orynbasaryn jáne palatanyń Áleýmettik-mádenı komıtetiniń basshylyǵyna kandıdattardy saılaý máselesin qarady. Parlament ǵımaratyna arnaıy kelgen burynǵy Májilis Tóraǵasy, qazirgi Memleket basshysynyń Jarlyǵymen Prezıdent Ákimshiliginiń Basshysy bolyp taǵaıyndalǵan Nurlan Nyǵmatýlın palatadan óz ókilettigin toqtatý týraly usynysyn ortaǵa saldy. Ol usynys depýtattar tarapynan biraýyzdan qoldaý tapty. Budan keıin otyrysty júrgizý Májilis Tóraǵasynyń orynbasary Sergeı Dıachenkoǵa tabystaldy. Vıse-spıker óz kezeginde kún tártibinde birinshi turǵan másele – Májilis tóraǵalyǵyna kandıdatty saılaý ekendigin jetkizdi. Bul laýazymǵa úmitkerler palata depýtattarynyń arasynan tańdalady. Ol memlekettik tildi erkin meńgerýi jáne jasyryn daýys berý arqyly jalpy depýtattar sanynyń basym bóliginiń qoldaýyna ıe bolýy tıis. Konstıtýsııaǵa sáıkes Májilis Tóraǵasy laýazymyna kandıdatty depýtattar ózderi usynatyndyqtan, bul laýazymǵa Parlament Májilisinde kópshilik sanalatyn «Nur Otan» partııasy fraksııasynyń múshesi Qýanysh Sultanov usynys tastady. Depýtat sóz retinde Máji­lis­tiń burynǵy Tóraǵasy atyna jy­ly lebizderin bildire kelip, «Nur Otan» partııasynyń fraksııasy Má­ji­lis Tóraǵasy laýazymyna osy kezge deıin Tóraǵa orynbasary qyzmetin atqaryp kelgen Qabı­bolla Jaqypovtyń kandıdatýrasyn usynatynyn jetkizdi. Atalǵan kandıdatýra boıynsha óz pikirlerin bildirgen Qazaqstan halqy Assambleıasynyń múshesi Nadejda Nesterova, «Halyqtyq kommýnıster» fraksııasynyń jetekshisi Vladıslav Kosarev jáne Qazaqstannyń «Aq jol» de­­mo­­kratııalyq partııasy frak­­sııasynyń jetekshisi Azat Pe­rýashev usynylǵan kan­dı­dattyń saıası tájirıbesi mol ekenin tilge tıek ete kelip, onyń kóppartııaly Par­lamenttiń órkendeýine súbeli úles qosaryna óz senimderin bil­dirdi. Budan keıin depýtattardyń ja­syryn daýys berýi úshin ar­naıy jarty saǵattyq úzi­lis jarııalanyp, esep ko­mıs­­­sııasynyń jeti múshe­si ja­saq­­taldy. Esep komıs­sııa­­sy­nyń tóraǵasy depýtat Asqar Bazar­­baevtyń málimdeýinshe, jasy­­ryn daýys berý barysyn­da Má­ji­listiń 103 depýtaty Q.Ja­qy­povtyń kandıdatýrasyn qol­daǵan. Bul kandıdatýraǵa bir de­pýtat qarsy bolǵan. Májilis Tóraǵasy Qabıbolla Jaqypov orynbasarlyq qyz­metke palatanyń Áleýmettik-má­denı damý komıtetiniń tóra­ıy­­my Darıǵa Nazarbaevany usyn­­dy. Bul usynys depýtattar tarapynan qoldaý taýyp, bir­aýyzdan qabyldandy. Sondaı-aq, keshe Áleýmettik-mádenı damý komıtetiniń tóraǵasyna da kandıdat usynyldy. Depýtat Maıra Aısınanyń usynysymen atalǵan turaqty komıtet tóraıymdyǵyna buǵan deıin komıtet hatshysy bolyp kelgen Gúlnar Yqsanova laıyq dep tabyldy. Osylaısha, keshegi jalpy otyrysta depýtattar kún tártibine shyǵarylǵan úsh máseleni de oń sheship aldy. Asqar TURAPBAIULY, «Egemen Qazaqstan».