InEÝ

INTEGRASIIа IGILIGI

Jaqynda ǵana, 29 naýryz kúni «Egemen Qazaqstan» «Jasampaz jobaǵa – jıyrma jyl» degen ortaq ta­qy­ryppen arnaýly nómir daıyndaǵan bolatyn. El­basymyz Nursultan Nazarbaevtyń Máskeý memlekettik ýnıversıtetinde Eýrazııalyq Odaq qurý jónindegi bas­tamasyn jarııa etýiniń dál jıyrma jyldyǵyna oraılastyrylǵan materıaldar Qazaqstan basshysynyń Eýrazııalyq ekonomıkalyq qaýymdastyqty, Keden odaǵyn qurý, Birtutas ekonomıkalyq keńistikti qalyptastyrý ıdeıalarynyń bári de kezeń-kezeńimen júzege asyp kelgenin kórsetken, aldaǵy kezde Eýrazııalyq ekonomıkalyq odaqty qurýǵa daıyndyqtyń barysyn ashqan edi. Gazet búgingi nómirde de osy asa mańyzdy taqyrypty jalǵastyryp, «Integrasııa ıgiligi» ortaq ataýyna toptastyrylǵan jarııa­lanymdardy 3-bette oqyrmandar nazaryna usynyp otyr.

InEÝ

Pavlodardaǵy bul ýnıversıtet Reseıdiń Sibir ólkesi men Qazaqstannyń Altaı aımaǵyndaǵy ámbebap mamandar daıyndaıtyn biregeı sapaly oqý orny bolyp otyr

Jýyrda ǵana ónertapqyshtyq bastamalardy damytýǵa qosqan úlesi úshin Reseı Jaratylys taný akademııasy prezıdıýmynyń sheshimimen pavlodarlyq ǵalym, InEÝ-diń hımııa jáne metallýrgııa kafedrasynyń professory, tehnıka ǵylymdarynyń doktory Irshek Ibraev Alfred Nobel medalimen marapattaldy. Bul oqý orny úshin úlken jetistik. Stýdentter úshin maq­ta­nysh. Ýnıversıtette Eýropa­lyq Odaqtyń qoldaýymen «Jań­ǵyrtylmaly energetıkanyń» biregeı zerthanasy quryldy, onyń bizdiń elimizde, TMD elderinde balamasy joq kórinedi. Oqý ornynyń aýa raıyn baqylaıtyn ózindik jeke meteorologııalyq stansasy bar. Ekonomıka ǵylymǵa, ınnovasııaǵa, jańashyldyqqa senedi, bilim ǵylym arqyly beriledi degen osy. Oblys ortalyǵyndaǵy biz InEÝ dep jazyp otyrǵan osy Innovasııalyq Eýrazııa ýnıver­sıtetine jaqynda Reseıdiń Bar­naýldaǵy I.Polzýnov atyndaǵy Altaı memlekettik tehnıkalyq ýnıversıtetiniń stýdentteri de kelip qaıtty. Sonymen qatar, osy aralyqta Altaı memlekettik tehnıkalyq ýnıversıtetinde InEÝ-diń de stýdentteri oqyp-bilim alý úshin Barnaýlǵa attanǵan bolatyn. Shekaralas óńirler úshin jol ashyq. Maqsat – el stýdentteriniń eki eldiń professorlary ótkizetin ınnovasııa, jańa tehnologııalar taqyrybyndaǵy leksııalaryna qatysyp, ózara oı-pikir bólisip, bilim deńgeılerine baǵa berý. Iаǵnı stýdentter eki apta boıy Barnaýl men Pavlodarda leksııa­lar tyńdap, sabaq oqıdy. Bizge kelgen barnaýldyq stýdentter InEÝ-diń standarttaý jáne mashına jasaý kafedrasynda «Azyq-túlik ónerkásibindegi tıeý-túsirý jáne tasymaldaý-qoımalyq jumystardyń meha­nızmi» men «Tońazytý tehnıka­synyń negizderi» pánderi boıynsha leksııa tyńdady. Bul taqyryptaǵy sabaqtardy tehnıka ǵylymdarynyń kandıdaty, professor P.Dýbrovın, aǵa oqytýshylar Narken Alǵazınov, T.Ákimbaevtar júrgizdi. Oqý or­nynyń standarttaý júıesi jáne mashına jasaý kafedrasynyń aǵa oqytýshysy Narken Alǵazınovtyń aıtýynsha, sabaqtar barysynda reseılik stýdentter ózderiniń bilimdilikterin kórsete bildi. Eki aptalyq oqý sońynda Alekseı Anohın, Denıs Behtev, Vıktor Dzıýbın, Alekseı Olhovskııge oqyǵan pánderi jáne ıgerilgen kredıtter sany kórsetilgen kóshirmeli transkrıptter berildi. Biz, Altaı memlekettik tehnı­kalyq ýnıversıteti azyq-túlik óndirisiniń mashınalary men apparattary fakýltetiniń 4-kýrs stýdentteri, ýnıversıtetimiz ben InEÝ arasynda ótetin stý­dent­­­­terdiń bilim almasý baǵdarla­masyna qatysýǵa keldik, deıdi Denıs Behtev. Iаǵnı bul óz maman­dyǵyń boıynsha qosymsha bilim alý degen sóz. InEÝ-diń oqytýshy-pro­fessorlyq quramyna rahmet. Jáne de biz eki apta boıy dostyq qarym-qatynasta turǵan stýdenttik jataqhananyń qonaq­jaılyǵyna rızamyz. – Al, jalpy, eki eldiń stýdent­teri ózara bilim almasý arqyly tyǵyz baılanysta bolý úshin bizdiń tarapymyzdan barnaýldyq stýdentterge taǵylymdamalyq baǵdarlamalar jasalyndy. Oǵan ózderi tańdaǵan pánder boıynsha dáristik, tájirıbelik sabaqtar, sonymen qosa bos ýaqyttaryn qyzyqty ótkizý jospary endi, – deıdi InEÝ-diń ınjenerlik akademııa fakýltetiniń dekany Abylaı Júnisov. Ýnıversıtet tehnıka ǵylym­darynyń doktory, professor, rektor Asqar Kamerbaevtyń basqarýymen joǵary tehnologııalar zamanynyń talaptaryna saı ekonomıkanyń ártúrli salalary úshin biliktiligi joǵary mamandar daıarlaıdy. Elimizge kásibı kadrlardy daıarlaýda óndiris oryndarymen birlese jumys jasaýda. Sonymen qatar, kórshiles Reseıdiń yntymaqtastyq usynystaryna oraı ınnovasııalyq bilim berý baǵdarlamalary boıynsha mamandardy birlesip daıarlaýǵa qol jetkizdi. Mysaly, Túmen memlekettik munaı-gaz ýnıversıtetimen qos dıplomdy bilim berý baǵdarlamalaryn qoldaý týraly kelisimge de qol jetkizildi. InEÝ-di «Eýropa JOO-larynyń Uly hartııasyna» qosý týraly Bolon kelisimine qol qoıyldy. О́ńirdiń aımaqtyq ınnovasııalyq júıesin qalyptastyrý baǵdar­lamasynyń qatysýshysy sanalady. Ekonomıkalyq, ǵylymı-tehnıkalyq ilgerileý jáne joǵary bilimdi damytý, sonymen qatar, kásiporyn bazasynda oqý-óndiristik ortalyqtar qurý maqsatynda Qazaqstan jáne Reseı ýnıversıtetteri men kásiporyndaryn biriktiretin «Ashyq korporatıvtik ýnıver­sıtet» konsorsıýmyn uıymdastyrýshy atalyp otyr. Aldaǵy ýaqytta InEÝ-ge stýdentter úshin tanymdyq, ınno­vasııalyq leksııalar oqý úshin Týva memlekettik ýnıversıtetiniń professory Manchyk-Sat Chodýraa kelmekshi. Jahandaný úderisinde Eýrazııalyq tutastyqtyń qajettigi, osy keńis­tikte ıntegrasııalyq úrdisterdiń ómirlik mańyzdylyǵy, ortaq birlestiktiń qaǵıdattary men baǵdarlamasy týraly ıdeıany Prezıdent Nursultan Nazarbaev tuńǵysh ret 1994 jyly Máskeý memlekettik ýnıversıtetinde málimdegen edi. Sol sátten beri óz damýyn alǵan bul eýrazııashyldyq ıdeıa qoldaý taýyp, qazir ómirge belsene enip keledi. Al, eń bas­tysy, eki el joǵary oqý oryn­darynyń oqytýshy quramyn eko­nomıkanyń negizgi salalary – óndirister, jabdyqtar men mashına jasaý óndirisindegi biliktiligi joǵary, básekege qabiletti mamandardy daıarlaý maqsaty biriktiredi. Sondyqtan da, mundaı elaralyq yntymaqtastyq baılanystar eki el stýdentteriniń Reseıdiń jáne bizdiń elimizdiń oqý oryndarynan bilim alyp, izdenýlerine, bolashaqta bilikti maman bolýlaryna múmkindik berip otyr.

Farıda BYQAI,

«Egemen Qazaqstan».

PAVLODAR.

INTEGRASIIа IGILIGI