О́rkenıettilik tuǵyry

Bizdiń «Strategııa-2050-degi» basty maqsattarǵa jetýdi kózdeıtin barlyq is-áreketterimiz naqty qaǵıdattarǵa negizdelýge tıis. N.Á.NAZARBAEV. _______________ Prezıdentimiz N.Á.Na­­zar­­baevtyń Joldaýyn kún­de oqı­tyn ba­ǵyt-baǵ­darymyzǵa aınal­dyr­­dyq. Joldaý ár­bir janǵa maz­mun­dy­lyǵymen, naqtyly­ǵymen aıryqsha áseri boldy ǵoı dep oılaımyn. Iá, KSRO-nyń kúıreýinen keıin, 1997 jyldan bastap, mem­­leketimizdiń egemendigi baqy­tyn baıandy etý jolynda Pre­zı­dentimiz N.Á.Nazarbaev jylma-jyl ha­lyqqa Joldaýyn arnap keledi. Árbir Joldaý jas mem­leketimizdiń údemeli damýyna basty da naqty josparlar men baǵdarlamalardyń oryndalýyna serpin týǵyzar lep berýde. Basyna qonǵan baqty onyń qadirine jetetin jandar ǵana ba­ǵalaıtyndyǵy sózsiz. Sol ba­­­qyt­tyń qazaq halqyna qon­ǵa­­nyna búginde 22 jyl boldy. Ony ushy­ryp almaý bizdiń en­shi­mizde. Memleket irgetasynyń nyq ta berik qalanýy úshin Elbasy halqymyzǵa «Qazaqstan-2030» Joldaýyn usynǵany belgili. Sol «Strategııalyq» kitapshasyn mezgil-mezgil ashyp qarap qoıa­myn da qatty qýanamyn. Nege deısiz ǵoı. Negesi sol, halqy­myz táýelsizdiktiń alǵashqy kúnderinde-aq Elbasyn durys tań­daǵan eken. Shyndyǵy sol, biz­diń aǵa-urpaq, áke-sheshelerimiz táýel­sizdikti ǵasyrlar boıy ańsap kelgen, turmystyń taýqymetin tartqan jandar ǵoı. Durys basshyny adaspaı tańdaı bilgen. Esh qatelespepti. Al qazirgi tańda «Qazaq­stan-2030» Strategııasynyń or­nyn ádemi almastyrǵan «Qazaq­stan-2050» Strategııasy – birligi berekeli, tirligi merekeli, ynty­maǵy jarasqan memleket bolyp qalyptasýymyzdyń birden-bir kilti ekeni bárimizge málim. Uly Abaı: «Adam ata-anadan týǵanda esti bolmaıdy: es­tip, kórip, ustap, tatyp, dú­nıedegi jaqsy, jamandy tanı­­dy, bilgeni, kór­geni kóp adam bilimdi bolady», degen. Mine, uly Abaı aıt­qan­daı, bizdiń Elbasymyz 22 jyl ishinde adamzat tamsanar qy­rýar jumystar atqara otyryp, Qa­zaq­standy dúnıejúzine ta­nytty. Bir ǵana mysal. Elbasynyń eń kóregendigi mynada, jahandanýǵa bet burǵan tusta kelgen táýel­siz­digimizdiń beriktigin jasaıtyn da, ony jalǵastyratyn da keleshek jastar ekendigin alystan boljaı bilýi. Sondaı-aq, Jer-Ana­nyń tirshiliginde tynys alǵan adamzattyń jańa quraldarmen jumys isteýleri, ǵalamtorlar arqyly baılanysy, tabıǵı apattarmen kúres, t.t. úshin búgingi kún­ge laıyqty mamandardy daıyn­daý birinshi kezekte ekenin uǵynýy. Uǵyna otyryp, ony is júzine asyrýdy maqsatty ári birinshi orynda turǵan basty mindet etip qoıýy. Ony oryndady da. Qandaı qıyndyqtar bol­sa da alǵashqy jyldardyń ózin­de-aq jastardy «Bolashaq» baǵ­darlamasymen oqytty. Endi, mine, olar lek-legimen kelip, jaý­apty qyzmetterdiń alǵashqy tabaldyryǵyn attaýda. Búginde qyryqqa taıaǵan biz­der Keńes ókimeti ydyrar aldynda mektepti aıaqtaýǵa jaqyn qalǵan, joǵar­y oqý ornynyń tabal­dy­ryǵyn endi ǵana at­taǵan jastar edik. Jas memleketimizdiń Konstıtýsııasyn ja­zýǵa atsa­lysqan Ǵ.Sa­par­ǵalıev pen M.Baı­maha­novtardan ma­shyqtanyp, olar­dan qazaq halqynyń kele­shegin bol­jaýǵa, ol úshin jas­tardyń qosar úlesiniń ne bol­maq ekenin oqyp-úırendik. Toq­ta­maı jetildirip áli de úırený ús­tin­demiz. О́ıtkeni, jahandaný aıasy óte kúrdeli úderis ekeni to­lyq­qandy moıyndaýdy talap etedi. Qatarlastarymyz úshin táýel­sizdik dáminiń adam aıtqysyz tushy­lyǵyn kórip-bilip ósýimiz biz­derge birden-bir baǵyttaýshy kúsh boldy. Táýelsizdik tuǵyryn nyq ustaýda alǵashqy kúnnen-aq jan-jaqty damýdyń baspaldaǵyn durystap shegelep qaǵysýda, onyń qıyndyqtaryna tózip, óz úles­terimizdi qosýda izdenis ústindemiz. Elbasynyń ár Joldaýy jo­ǵaryǵa shyǵatyn baspaldaq ispet­tes. Ár baspaldaǵymyz durys ári bekem ekenin qadaǵalaǵan qurylys sheberleri sekildi halyqtyń da nazarynda. Prezıdent N.Á. Nazarbaevtyń bıylǵy 2014 jylǵa arnalǵan Joldaýy múldem erekshe. Bul Joldaý memleketimizdiń alǵashqy 22 jyldyq toıyn jalǵastyrar, 2050-ge jol silter aıqyndyqty kórsetedi. Qanshama úlkendi-ki­shili jobalar júzege assa, endigi 5 jyldyqqa qyrýar sharalar qa­byldanýda. Halyq ıgiligi úshin barlyq baǵyt derlik qamtylǵan. Búginde TMD elderiniń kóbi­sinen ilgeri basqanymyz, endi bo­lashaqta 30 eldiń qataryna da qo­sylarymyz qýanyshqa aı­nal­­ǵany belgili. Sondyqtan da, bú­kil halqymyz, tipti, dúnıejúzi saıasatkerleri de Joldaý jarııa­lanǵan saǵattan bastap ózderiniń joǵary baǵa­laryn bere bastady. Men óz otbasymmen Joldaýdy baǵdarshamymyz, adastyrmas kompas retinde qabyldaımyn. Qyzmetimizdegi is-sharalardy oryn­daý bir basqa, al, otbasy­myz­daǵy basty baǵdarymyz – ósip kele jatqan qyzymyz ben uly­myzdy Nazarbaev zııatkerlik mektebine daıarlaý. О́ıtkeni, árbir otbasy óz balalaryn búgingi úde­meli damý úderisine ilese ala­­­tyn­daı etip, qamqorlyqpen ósi­rýi­, soǵan bar kúsh-jigerin jum­saýy kerek ekendigin aıtar edim. Áıt­pegende bala-shaǵa­myzdyń kósh­ten qalyp qoıatyny aıtpasa da túsinikti. Darhan JABAEV, Qarjy polısııasy akademııasynyń aǵa oqytýshysy, qarjy polısııasynyń kapıtany.