Atap aıtqanda, erejeler halyqtyń áleýmettik osal toptaryna qoldanylady.
Endi mundaı adamdardyń tizbesine 1 nemese 2 toptaǵy múgedektik 18 jasqa tolǵan múgedek balaǵa belgilenetin otbasylar endi.
Sonymen qatar, turǵyn úı alýǵa kelesi sanattaǵy azamattar ótinish bere alady:
- Uly Otan soǵysynyń ardagerleri;
- Jeńildikter boıynsha UOS ardagerlerine teńestirilgen ardagerler;
- Basqa memleketter aýmaǵyndaǵy urys qımyldarynyń ardagerleri;
- 1 jáne 2 toptaǵy múgedekter;
- Múgedek balalary bar nemese olardy tárbıeleýshi otbasylar;
- Densaýlyq saqtaý salasyndaǵy ýákiletti organ bekitken aýrýlar tiziminde atalǵan keıbir sozylmaly aýrýlardyń aýyr túrlerimen aýyratyn adamdar;
- Jasy boıynsha zeınetkerler;
- Kámeletke tolǵanǵa deıin ata-anasynan aıyrylǵan jıyrma toǵyz jasqa tolmaǵan jetim balalar men ata-anasynyń qamqorlyǵynsyz qalǵan balalar. Mundaı adamdar áskerı qyzmetke shaqyrylǵan kezde jasy merzimdi áskerı qyzmetti ótkerý merzimine uzartylady;
- Qandastar;
- Ekologııalyq zilzalalar, tabıǵı jáne tehnogendik sıpattaǵy tótenshe jaǵdaılar saldarynan turǵyn úıinen aıyrylǵan adamdar;
- «Altyn alqa», «Kúmis alqa» alqalarymen nagradtalǵan nemese buryn «Batyr Ana» ataǵyn alǵan, sondaı-aq I jáne II dárejeli «Ana dańqy» ordenderimen nagradtalǵan kóp balaly analar, kóp balaly otbasylar;
- Memlekettik nemese qoǵamdyq mindetterdi, áskerı qyzmetti oryndaý, ǵarysh keńistigine ushýdy daıyndaý nemese júzege asyrý, adam ómirin qutqarý, quqyq tártibin qorǵaý kezinde qaza tapqan adamdardyń otbasylary;
- Tolyq emes otbasylar.
Qaýly 2022 jylǵy 9 sáýirden bastap qoldanysqa engiziledi.
