Kóp túıtkil sheshimin tapty

Biraq osy oraıda taǵy bir oblys nazardan tys qaldy. Ol – bıyl 150 jyldyǵy IýNESKO kóleminde toı­lanyp jatqan rýhanı kósemimiz Ahmet Baıtursynulynyń kindik qany tam­ǵan burynǵy Torǵaı oblysy. Kıeli Torǵaı ólkesiniń de qaıta tú­leı­tin, talyqsyǵan tamyryna qan júgir­­tip jeke oblys bolyp qurylyp, Qos­tanaı­dan enshisin alyp shyǵatyn sáti alys emes degen úmittemiz.

Qapshaǵaı qalasyna Dinmuhamed Qonaevtyń atyn berý oryndy usynys. Bul tulǵaǵa qandaı qurmet kórsetilse de halyq qoldaıdy.

Endi Memleket basshysy Qasym-Jomart Kemeluly Toqaevtyń Jol­daýyn­da qamtylǵan birqatar máselege qysqasha toqtala keteıin.

Osydan bylaı sýperprezıdenttik respýb­lıkalyq júıeden túpkilikti alshaq­­­taıtyn boldyq. Iаǵnı endi par­la­­ment­tik júıege tolyq aýysý úderisi bas­talady. Odan qorqatyn esh sebep joq. Bul – órkenıetti memleketterge tán úrdis. Bul júıege aýysý máselesi qoǵam ta­ra­pynan san márte qozǵalǵan bolatyn.

Joldaýdyń taǵy bir tarıhı sıpatqa ıe tusy – Prezıdenttiń jaqyn týystaryna mańyzdy qyzmet atqarýǵa tyıym salýy. Iá, jasyratyny joq, buǵan deıin bılik basyna jınalǵan belgili bir toptardyń eldi etekten tartyp kelgeni ras. Memleket basshysy bul máselege túbegeıli núkte qoıdy.

Prezıdent budan bylaı eshqandaı partııalardyń múshesi bolmaıdy jáne aýdan men aýyldyq okrýg ákimderin qyzmetinen bosata almaıdy. Iаǵnı bul jerde ózine Ata zańmen júktelgen mindetterdi ǵana oryndaıdy. Alda bolatyn saılaýlarda bura tartý, jalǵan daýys jınaý degenderge jol berilmeıdi.

Sonymen qatar Prezıdent endi oblys jáne respýblıkalyq ma­ńyzy bar qalalardyń ákimderin máslıhattyń keli­si­mimen tek balama negizde taǵa­ıyn­­daıtyn bolady. Buǵan deıin Mem­leket basshysy óziniń kóńiline jaqqan adam­dy osy qyzmetke taǵaıyndap, máslı­hattyń «batasyn» ǵana alatyn. Endigi kezekte osynaý jaýapty qyzmetke taǵaıyndalatyn adamdardyń sany 2 úmitkerden kem bolmaýy kerek. Jergilikti máslıhattyń synynan ótip, úmitin aqtaıtyn adam ǵana osy oryntaqqa jaıǵaspaq.

Endi jergilikti ákimder men olar­dyń orynbasarlaryna partııa fılıal­darynyń tóraǵasy bolýyna zańna­malyq tyıym salynbaq.

Ulttyq quryltaı qurý. Ol Úki­met pen halyq arasyndaǵy baılanys­tyrý­shy býyn bolady. Eldegi ózekti máseleler osy jıyn aıasynda sheshi­ledi.

Onyń syrtynda, Joldaýda BAQ týraly jańa zańdy ázirleý jáne qabyldaý, jýrnalısterdiń kóleńkeli tólemder úshin syrttan tapsyrys boıynsha jumys istemeýi jáne saıa­sı klandardyń jasyryn kúresine qatyspaýy kerektigi týraly aıtyldy.

Qoryta aıtqanda, Prezıdent Jol­daýy Jańa Qazaqstandy qurýǵa baǵyt­talǵan batyl qadamdar men tarıhı sheshimderdi aıqyndap bergen mańyzdy tuǵyrnama. Osy mańyzdy qujatta aıqyndalǵan mindetterdi iske asyra bilsek, keleshek kemel bolmaq.

Meshit ǴAZIZULY,

Qostanaı aýdandyq máslıhatynyń depýtaty

Qostanaı oblysy