Otyrysqa memlekettik organdardyń 35 ókili, ÚEU jáne sarapshylar qaýymdastyǵynyń 46 ókili qatysty.
Is-sharanyń negizgi spıkerleri Densaýlyq saqtaý vıse-mınıstri Jandos Búrkitbaev, Aqparat jáne qoǵamdyq damý vıse-mınıstri Danııar Qadyrov, «Qazaqstan halqyna» QQ Basqarma tóraǵasy Bolat Jámishev, «Qazaqstannyń Azamattyq Alıansy» ZTB prezıdenti Baný Nurǵazıeva boldy.
Mınıstr óziniń alǵysózinde «Memleket basshysy óziniń Qazaqstan halqyna Joldaýynda mańyzdy áleýmettik máselelerdi sheshýdegi úkimettik emes sektordyń rólin jáne azamattyq qoǵam ınstıtýttaryn júıeli túrde qaıta júktemeleý qajettiligin erekshe atap ótti. Osyǵan oraı, qoǵamdyq dıalogtyń biryńǵaı ınstıtýsıonaldyq modelin qalyptastyrý jáne bılik pen halyq arasyndaǵy ózara is-qımyldy kúsheıtý Úılestirý keńesiniń negizgi mindetteriniń biri sanalady», dep atap ótti.
Sonymen qatar, otyrys barysynda Mınıstr memlekettik organdardyń ÚEU-men ózara is-qımyl rásimin jetildirýdiń, Qoǵamdyq keńester quramyn sapaly jańartýdyń jáne «Ulttyq Quryltaı» Ulttyq ınstıtýtynyń jumysyna qoǵam ókilderin neǵurlym kóbirek tartý týraly aıtty.
Úılestirý keńesi barysynda Jandos Búrkitbaev «Qazaqstan halqyna» qoǵamdyq qoryn qurý boıynsha júrgizilgen jumystar týraly aıtyp berdi.
Keńestiń qatysýshylary taqyrypty josparlaýdyń jáne óńirlik deńgeıde memlekettik áleýmettik tapsyrysty iske asyrýdyń tıimdiligin baǵalaýdyń problemalyq máselelerin egjeı-tegjeıli talqylady.
Otyrystyń qorytyndylary Úılestirý keńesiniń hattamasynda kórsetilip, jumys úshin memlekettik organdarǵa joldanatyn bolady.
Úılestirý keńesiniń jarqyn qorytyndysy retinde, Qazaqstannyń Azamattyq Alıansynyń prezıdenti Baný Nurǵazıeva, el Prezıdenti Qasym-Jomart Toqaevtyń progressıvti bastamalaryna qoldaý kórsetip, azamattyq qoǵam ókilderi atynan Ashyq úndeý jarııalaý jónindegi azamattyq bastamasyn bildirdi.
