Jasyratyny joq, elimizde LogyCom-nyń kompıýterlerin paıdalanbaǵan adam kemde-kem. Aty alysqa taraǵan kompanııa qazir basqa baǵyttarda da ónimdi jumys istep júr. Máselen, LogyCom korporatıvti bıznes úshin joǵary tehnologııalyq jobalardy ázirlep, júzege asyrýda aldyna qara salǵan emes.
IT-aýtsorsıng salasynda da tasy órge domalap tur. Bul rette shaǵyn jáne orta bıznestiń jergilikti jelilerin damytýda kompanııanyń qyzmetine suranys joǵary. Sondaı-aq elimizdiń ár óńirinde servıstik qyzmet kórsetý baǵytyn usynyp otyr. Bul da mańyzdy qyzmet. Túrli baǵyttaǵy onlaın-platformalardy ázirlegenin de bóle-jara atap ótý kerek. Atalǵan baǵyttaǵy jumystardy áli de jalǵastyryp keledi. Osy oraıda biz kompanııa usynǵan LogyCom Astrum júıesine erekshe toqtalmaqpyz.
LogyCom Astrum – kásiporyndy basqarýdyń ERP-júıesi. Ol jedel jáne strategııalyq basqarý mindetterin retteıdi. Sonymen qatar qarjylyq jáne basqarýshylyq esepti, satý túrlerin rásimdeý, ınternet-dúkenmen ıntegrasııa, klıenttermen qarym-qatynasty basqarý, resýrstardy bólýdi jáne óndiris qajettilikterin josparlaý, logıstıka mindetterin ońtaıly sheshedi.
Budan bólek, býhgalterlik júıege bastapqy derekterdi ımporttaý, qurastyrý óndirisi, servıstik qyzmet kórsetý, negizgi quraldardy esepke alý, bıýdjetteý, qoımalyq esepke alý, kadrlyq esepke alý sekildi aýqymdy mindetter de osy júıege shoǵyrlanǵan. Biz sanamalap ótken mindetterdiń qanshalyqty aýqymdy ekeni aıtpasa da túsinikti. LogyCom Astrum júıesi osynyń bárin esh qıyndyqsyz rettep, bıznestiń jumysyn aıtarlyqtaı jeńildetip otyr.
LogyCom kompanııasynyń joba menedjeri Tatıana Belanovanyń aıtýynsha, kez kelgen kásiporynnyń qyzmetkerleri qyzmet barysynda túrli qıyndyqtarmen betpe-bet keledi. Mundaı kedergiler negizgi mindetterdiń oryndalýyn báseńdetip, kásiporyndy mol tabystan aıyrýy múmkin. Ádette munyń bári qajetti aqparatty alýǵa kóp ýaqyttyń jumsalýymen, qyzmetkerlerdiń jumys ýaqytyn durys uıymdastyra almaýymen jáne óz fýnksııalaryn ýaqtyly oryndamaýymen baılanysty.
– LogyCom Astrum júıesi osyndaı keleńsizdikterdi boldyrmaıdy. Júıeni top-menedjerlerden bastap klıenttermen jumys isteıtin menedjerler, kóterme jáne bólshek saýda konsýltanttary men satýshylary, qoıma qyzmetkerleri, keńse mamandary paıdalana alady. Iаǵnı júıe arqyly kez kelgen ýaqytta kásiporyndaǵy jumystyń jaǵdaıy týraly jedel aqparat alýǵa múmkindik beriledi. Máselen, kompanııanyń tabysy qaı tustan kóbeıgenin, shyǵyndardyń qaı baǵyttan shyǵyp jatqanyn, qaı jerde kemshilik jiberilgenin jáne onyń ne úshin jiberilgenin baıqap otyrýǵa bolady, – deıdi Tatıana Belanova.
Onyń aıtýynsha, kásiporyn basshysy júıe arqyly paıda men shyǵyndardyń esebin, qarajattyń qozǵalysyn qadaǵalap otyrady. Al top-menedjerler úshin ashyqtyq qamtamasyz etilgen. Olar kásiporyn qyzmetin rásimdeý, árbir bıznes-prosess úshin jaýapty adamdy taǵaıyndaý, oryndalǵan jumystardyń sapasy, satý kólemi, klıenttermen qarym-qatynas jasaý nátıjesi boıynsha ár qyzmetkerdiń biliktiligi men ónimdiligin negizdi túrde baǵalaý múmkindigine ıe. Sondaı-aq júıege engizilgen aqparattyń qupııa saqtalatynyn da atap ótken jón. LogyCom Astrum kásiporynǵa qabyldanǵan jańa qyzmetkerlerdiń beıimdelý prosesin jedeldetedi ári jeńildetedi.
– Sonymen qatar júıede top-menedjerge óz bıznesin baqylaýda ustaýǵa múmkindik beretin birqatar esep usynylady. Máselen, marketıng jáne logıstıka bóliminiń menedjerleri úshin jetkizýshini durys tańdaý, onymen qarym-qatynas jasaý tarıhy, satyp alýdy josparlaý, klıentpen qarym-qatynastyń tarıhy jáne saralanýy sekildi esepter beriledi. Kásiporynnyń barlyq qyzmetkeri úshin qajetti aqparatty alý, taýardy qabyldaý jáne jóneltý prosesterin avtomattandyrý, taýarlar men qarajat qozǵalysyn resimdeýdi avtomattandyrý qyzmetteri qoljetimdi. Al býhgalterler jumys stılin asa ózgertpeı-aq kúndelikti nátıjesiz jumystardyń kólemin azaıta alady, – dep naqtylady LogyCom kompanııasynyń joba menedjeri.
Bul rette osyndaı tamasha júıeniń tolyqtaı otandyq ázirleme ekenin atap ótken jón. Onyń avtorlyǵy LogyCom qyzmetkerler tobyna tıesili. Júıeni ázirlep, jetildirýmen kompanııanyń jańa tehnologııalar jáne baǵdarlamalyq ázirlemeler jasaý bóliminiń qyzmetkerleri aınalysqan. Atap aıtqanda, bul topqa bólim basshysy Semen Beresnev jetekshilik etken. Ázirleýshilerdiń qatarynda Iýrıı Zykov, Alekseı Lapın, Valerıı Morchık, Dmıtrıı Pojıtkov, Danııar Qasymjanov, Konstantın Jabasov, Maksım Kan, Ilıa Afanasev, Dmıtrıı Nıkıtochkın, Ilıa Mozjerın, Evgenıı Vasılev, Qanat Aıdarov, Dáýren Ormanbekov, Qanat Jambýlatov, Aleksandr Neshev bar.
Klıent kompanııalarǵa júıeni engizý, tehnıkalyq qoldaý jáne konsaltıng qyzmetterin de LogyCom qyzmetkerleri júzege asyrdy. Buǵan Irına Sergeeva, Toqjan Toqtamysova, Iýlııa Rogova, Irına Kolomııseva, Irına Mýrzınova, Tatıana Begýn, Nıýdlıa Basangova, Krıstına Zotına, Gúlbarshyn Beldıýbaeva, Konstantın Korolev, Alekseı Panov, Alena Savınkova, Izıatbývı Zakırova, Elena Kýlıkova sekildi bilikti mamandar jaýapty.
Qazirgi ýaqytta klıentterdi qoldaýmen jáne konsaltıngtik qyzmet kórsetýmen baǵdarlamalyq ázirlemeler jasaý bóliminiń Jobalardy basqarý toby aınalysady. Oǵan Lázzat Qusaıynova jetekshilik etedi. Joba menedjerleri Tatıana Belanovanyń, Rozabývı Hýdaıberdıeva men Aleksandra Konovalovanyń da eńbegi zor.
Kompanııa bıllıng jáne avıaparkti basqarý salalary esebinen LogyCom Astrum júıesiniń qoldaný aıasyn keńeıtip, alǵa bastyrýdy josparlap otyr.
Otandyq IT-naryqta ózindik orny bar LogyCom – zamanaýı kompanııa. Kompıýterlik jáne sıfrlyq tehnologııalar naryǵyndaǵy biregeı bilim men mol tájirıbesiniń nátıjesinde kompanııa IT-salanyń kóshbasshysy retinde úlken bedelge ıe. Kompanııa naryqqa joǵary tehnologııalyq ónimderdi ǵana usynbaı, kúrdeli ınfraqurylymdyq IT-jobalardy ázirlep, engizýde.
LogyCom 2003-2021 jyldar aralyǵynda shamamen 450 myńnan astam derbes kompıýter shyǵardy. Búginde kompanııaǵa tıesili eki konveıerlik qurastyrý jelisiniń óndiristik qýaty jylyna 900 myńnan astam derbes kompıýter men serverler shyǵarýǵa múmkindik beredi. LogyCom ónimderiniń qazaqstandyq qamtý úlesi 25 paıyzdan joǵary.
LogyCom shyǵaratyn joǵary tehnologııalyq ónimge úsh jyldyq kepildik beretin el naryǵyndaǵy jalǵyz kompanııa ekenin de esten shyǵarmaıyq. Demek kompanııa óz óniminiń sapasyna senimdi. Halyqtyń LogyCom-ǵa senim artatyny da sondyqtan.
