Qoǵam • 01 Sáýir, 2022

Qazaqstanda benzın men dızel otyny arzandady

1 mın

oqý úshin

Qazaqstanda aqpanda benzın baǵasy 2021 jyldyń jeltoqsanymen salystyrǵanda 0,3 paıyzǵa, dızel otyny 1,7 paıyzǵa arzandady, dep habarlaıdy Egemen.kz energyprom.kz saıtyna silteme jasap.

Gaýhar QAPASh

Qazaqstanda benzın men dızel otyny arzandady

2022 jylǵy qańtar-aqpanda Qazaqstanda 795,3 myń tonna benzın óndirilgen. Bul kórsetkish jyl boıy ózgergen joq. Bul rette dızel otyny óndirisi bir jylda 9,7 paıyzǵa ósken.

Bıyl qańtarda jergilikti kásiporyndar benzınge degen suranysty tolyq, dızel suranysyn 96,4 paıyzǵa qamtamasyz etti. Janar-jaǵarmaıdy eksporttaýǵa tyıym salynǵandyqtan, ol eksportqa shyǵarylmaǵan. Salystyrý úshin, 2021 jylǵy qańtar-jeltoqsanynda benzın eksporty - 100,9 myń tonna, dızel otyny eksporty 223,3 myń tonna bolǵan.

2022 jylǵy aqpannyń aıaǵynda benzın baǵasynyń jyldyq ósimi birden 18,7 paıyz, al dızel otynynyń baǵasy birden 44,2 paıyz boldy. Alaıda bul byltyr baǵanyń ósýi nátıjesi. Bıyl aqpanda 2021 jylǵy jeltoqsanmen salystyrǵanda benzın 0,3 paıyzǵa, dızel otyny 1,7 paıyzǵa arzandaǵan.

Jyl boı benzın baǵasynyń ósýi Túrkistan oblysynda (21,2 paıyz), Jambyl oblysynda (20,1 paıyz), sondaı-aq BQO men Almatyda (19,8 paıyz) kóbirek baıqaldy.

Dızel otynynyń qymbattaýy boıynsha Batys Qazaqstan oblysy kósh bastap tur - 72,5 paıyz. Úshtikke Aqmola jáne Soltústik Qazaqstan oblystary da kirgen.

Aqpanda dızel otynynyń ortasha baǵasy lıtrine 235 teńge, qysta 346 teńge boldy. AI-98 benzıni lıtrine - 232 teńge, AI-95/96 benzıni lıtrine - 210 teńge.