«QazAvtoJoldyń» ár óńirlik fılıaly kópir asty aımaqtaryn, sý ótkizý qubyrlaryn qardan tazalap jatyr. Sonymen birge kópir arnalaryn tazalaý, sý tasqynyn boldyrmaý úshin ınertti materıaldardy daıyndaý jumystary jalǵasýda. Kún saıyn atalmysh jumystarǵa 600-ge jýyq arnaıy tehnıka jáne 1 myńnan astam jol qyzmetkeri jumyldyrylýda. Budan basqa, sý tasqyny qaýpi bar kezeńde brıgadalardyń táýlik boıy kezekshiligi qamtamasyz etilip otyr. Ýchaskelerge baqylaý ornatylyp, qajetti materıaldar qory daıyn tur», dep jazylǵan habarlamada.
Esterińizge salsaq, ulttyq kompanııa qyzmetine qatysty barlyq máseleler boıynsha 1403 qysqa nómirine qońyraý shalý qajet. «QazAvtoJol» resmı saıtynda joldardaǵy ahýal beınelengen ınteraktıv karta bar.
