Sanatorıı ǵımaratyna qarama-qarsy ornalasqan úlken qurylys úıine kimde bolsa nazar aýdarmaı ketpesi anyq. Sanatorıı qyzmetkerlerinen bul neǵylǵan ǵımarat dep suraǵanymda:
– Bul rezıdensııa, munda Dinmuhammed Ahmetuly Qonaev demalyp jatyr, – dedi.
– Ol kisini qalaı kórýge bolady? – dedik biz.
– Keshkisin, altydan keıin sanatorıı aýlasynda serýendep júredi, sol kezde kórýge de, kezdesýge de bolady, – dedi sanatorıı qyzmetkerleri.
Álgi aıtylǵan ýaqytta sol mańda boldyq. Kezdesýdiń sáti tústi. Nurlan degen Qazalynyń jigiti ekeýmiz baryp sálem berdik. Səlemimizdi jyly júzben qabyldap alǵan Dımekeń:
– Jigitter, qaı jerden kelip demalyp jatyrsyńdar? – dep surady.
Bireýimiz Jalaǵashtan, ekinshimiz Qazalydan ekenimizdi aıttyq. Osylaı áńgimelesip turǵanymyzda Aman degen azamat kelip qosyldy. Ol Qyzylorda qalasynan kelgendigin aıtty. Sol joly Nurlan ekeýmiz Dımekeńdi ortaǵa alyp sýretke tústik. Biz sýretke túsip bolǵansha demalýshylar abzal aǵany aınala qorshap ta aldy. Olar da dara tulǵamen sýretke túsýdi odan ári jalǵastyrdy. Sodan keıin ol kisi kórinbedi, shamasy, demalysy bitip qaıtyp ketse kerek-ti.
Bizben demalýshylardyń ishinde Qyzylorda qalasyndaǵy Qazaq temir jolyna qaraıtyn mektep-ınternattyń muǵalimi Aman degen azamat (famılııasyn umyttym) áldeneshe ret Dımekeńmen demalys bólmesine shaqyrýmen baryp, án salyp bergeniniń kýási bolǵanymyz bar-dy. Ol mektep-ınternatta mýzyka páninen sabaq beredi eken. Baıanda oınaı otyryp, halyq ánderin náshine keltirip oryndaıtyn.
Ár zamannyń ózine laıyqty taý tulǵalary bolǵan. Ondaı azamattarǵa halyq kezinde óz baǵasyn bergen. Qazaq halqynyń tarıhynda D.A.Qonaevtyń aty úlken árippen umytylmastaı bolyp jazyldy. Solaı jazylyp qala bermekshi. Halyqtyń bergen baǵasynan artyq baǵa bolmaıtyndyǵyna tarıh kýá.
Memleket basshysy Qasym-Jomart Toqaevtyń bıylǵy 16 naýryzdaǵy Joldaýy Jańa Qazaqstannyń tarıhyndaǵy halqymyzdyń rýhyn asqaqtatyp, eldik týyn kókke kótergen aıryqsha oqıǵa boldy.
Elimizdiń keń-baıtaq jerinde jańa ákimshilik óńirlerdiń, atap aıtqanda Abaı,Ulytaý, Jetisý oblystarynyń shańyraq kóterýi, sóz joq, erekshe tarıhı sát edi. Sondaı-aq bolashaq Almaty oblysynyń ortalyǵy Qapshaǵaı qalasy ultymyzdyń ardaqty perzenti Dinmuhamed Ahmetuly Qonaevtyń atymen atalyp, Almaty qalasy baryn eskerip, jańarǵan oblysqa Qonaev esimi berilse da artyq emes.
Prezıdent óz Joldaýynda da, odan burynǵy sózderinde de búgingi jańa kezeńge bet alyp turǵanda osynyń aldyndaǵy memlekettik táýelsizdigimizdiń jetken jetistikterin saqtaı, baǵalaı bilý mańyzdylyǵyna da aıryqsha nazar aýdaryp keledi.
Alaıda barlyq is-áreket tek adaldyqpen, meılinshe ádildikpen atqarylýǵa tıis. Halyq ıgiligine adal eńbek etken arda perzentimizdiń biregeıi Dinmuhamed Ahmetuly Qonaev esimi qandaı qurmetke de laıyq.
Shyńǵys AIBOSYNOV,
Qazaqstan Jýrnalıster odaǵynyń múshesi
Qyzylorda oblysy
