Al ekinshi taraptan Eýropalyq syrtqy is-qımyl qyzmetiniń Reseı, Shyǵys áriptestigi, Ortalyq Azııa jáne EQYU boıynsha basqarýshy dırektorynyń orynbasary Lıýk Devın teń tóraǵa boldy. Is-sharaǵa qazaqstandyq mınıstrlikter men vedomstvolardyń ókilderi, sondaı-aq Eýropalyq komıssııanyń túrli dırektorattarynyń qyzmetkerleri qatysty.
Otyrys barysynda Qazaqstan men EO arasyndaǵy Keńeıtilgen áriptestik pen yntymaqtastyq týraly kelisimniń iske asyrylýy, sondaı-aq Qazaqstan Prezıdenti Q.Toqaevtyń 2021 jylǵy Brıýsselge sapary barysynda qol jetkizgen ýaǵdalastyqtar sóz boldy.
Saıası, saýda-ekonomıkalyq salalardaǵy yntymaqtastyq, zań ústemdigi jáne adam quqyqtary, sondaı-aq kólik, energetıka, bilim, ǵylym, qorshaǵan ortany qorǵaý, klımattyń ózgerýimen kúres salalaryndaǵy ózara is-qımyl talqylandy. Sonymen qatar Qazaqstan men EO arasyndaǵy vıza rejimin jeńildetý máselesi de qarastyryldy.
Otyrystyń bir bóligi EO-nyń Ortalyq Azııa boıynsha strategııasy jáne Global Gateway strategııasy sheńberindegi Qazaqstan men EO yntymaqtastyǵyna arnaldy.
R.Vasılenko sózinde Eýropalyq odaq elimizdiń negizgi saýda jáne ınvestısııalyq áriptesi ekenin atap ótti. Qazaqstandaǵy syrtqy saýda men tikeleı sheteldik ınvestısııalardyń shamamen 40 paıyzy EO úlesine tıesili. COVID-19 pandemııasynyń keri áserine qaramastan ótken jyldary saýda-ekonomıkalyq qatynastar deńgeıi ósken.
Otandyq dıplomat EO-nyń Reseıge qarsy sanksııalarynyń Qazaqstan men EO arasyndaǵy saýda-sattyqqa keri áserin tıgizbeýiniń mańyzyna toqtaldy. Bul rette Qazaqstan ókili otandyq eksportty, onyń ishinde aýyl sharýashylyǵy ónimderin EO naryǵyna shyǵarýdy damytý máselesine toqtaldy. О́z kezeginde EO tarapy sanksııalar Qazaqstanǵa baǵyttalmaǵanyn naqtylap, qazaqstandyq eksporttyń EO naryǵyna kirýin jeńildetýge qoldaý kórsetýge ázir ekendigin jetkizdi.
Qazaqstan ókilderi «Eýropalyq jasyl mámile» baǵdarlamasy boıynsha jasyl energııa salasyndaǵy yntymaqtastyqty jandandyrýǵa, Eýropanyń batareıa jáne shıkizat alıanstarymen áriptestik ornatý týraly bastamany kóterdi. Kezdesýlerde klımattyń ózgerýine qarsy kúres máselelerindegi ózara is-qımyl, atap aıtqanda, Qazaqstan Úkimetiniń 2060 jyly kómirtegi beıtaraptyǵyna qol jetkizý jónindegi josparlary talqylandy.
Kólik máselelerin talqylaý barysynda eýropalyq tarap Transkaspıılik halyqaralyq kólik baǵyty (Middle Corridor) boıynsha yntymaqtastyqqa qyzyǵýshylyq bildirdi. R.Vasılenko bul temirjol baǵytynyń artyqshylyqtary týraly aıta kele, Middle Corridor EO-nyń Global Gateway jahandyq bastamasynyń maqsattaryna saı keletinin atap aıtty.
Taraptar saıası yntymaqtastyq sheńberinde joǵary deńgeıdegi saparlardyń mańyzyn atap ótti.
Mınıstrdiń orynbasary Qazaqstan EO-men yntymaqtastyqtyń basym baǵyttarynyń biri zań ústemdigi men adam quqyqtary máselelerine úlken mán beretinin basa aıtty. Osy turǵyda ol eýropalyq áriptesterin Memleket basshysynyń jańa Qazaqstandy qurý boıynsha elde iske asyrylyp jatqan aýqymdy saıası reformalary týraly habardar etip, Prezıdenttiń halyqqa Joldaýynyń negizgi tezısterimen tanystyrdy. Eýropalyq tarap el basshylyǵynyń saıası jańǵyrý baǵytyna qoldaý bildirip, reformalardy júzege asyrýda qoldaý kórsetýge nıet bildirdi.
Adam quqyqtary máseleleri boıynsha dıalog salasynda parlamentaralyq yntymaqtastyqty jandandyrýdyń mańyzdylyǵy atap ótildi. Sondaı-aq qazaqstandyq tarap quqyq qorǵaý organdaryna arnalǵan túrli trenıng pen semınarǵa qatysýǵa qyzyǵýshylyq tanytqan.
Taraptar «Ortalyq Azııa – EO» formatyndaǵy yntymaqtastyq deńgeıine oń baǵa berip, bıyl ótetin birqatar is-sharany talqylady. О́ńirlik qaýipsizdik, turaqty damý, qorshaǵan ortany qorǵaý jáne azamattyq qoǵamdy damytý máseleleri mańyzdy baǵyttar retinde belgilendi.
Jalpy, Qazaqstan – EO yntymaqtastyq komıtetiniń kezekti otyrysy jan-jaqty pikir almasýǵa jáne ortaq kelisimdi odan ári iske asyrý boıynsha naqty qadamdardy belgileýge, sondaı-aq bıyl maýsymda Fransııanyń tóraǵalyǵymen ótetin «Qazaqstan – EO yntymaqtastyq» keńesiniń 19-otyrysyna daıyndyq jumystaryn júrgizýge múmkindik berdi.
Komıtet otyrysynan keıin R.Vasılenko Eýropalyq syrtqy baılanystar qyzmetiniń bas hatshysy Stefano Sannınomen kezdesip, Qazaqstan Prezıdenti Q.Toqaevtyń Brıýsselge saparynyń qorytyndylary boıynsha ekijaqty yntymaqtastyqty jandandyrý jónindegi ári qaraıǵy qadamdardy talqylady.
