Radıojıilik spektri (ári qaraı – RJS) – shekteýli resýrs, eger radıojıilik bir jyl boıy tıimsiz nemese maqsatsyz paıdalanylsa, SDIAО́M ókiletti mekeme retinde RJS-ǵa berilgen ruqsatty alyp qoıýǵa quqyly. Bosatylǵan radıojıilik resýrs halyqqa sapaly baılanys qyzmet kórsetýge jumsalý úshin basqa tehnologııalarǵa nemese basqa operatorlarǵa beriledi.
2021 jyly sottyń sheshimimen radıojıilikti paıdalanýǵa berilgen 8 ruqsat keri qaıtaryldy. Bul ruqsattar 2016 jyly alynǵan bolatyn, alaıda 6 jyl boıy tıimsiz paıdalanylǵan.
Qazirgi zańnamaǵa sáıkes WLL (symsyz abonenttik qoljetimdilik) baılanys túrine ruqsat eldi-mekenge resimdeledi. Qala aýmaǵyn tolyqtaı sapaly ınternetpen qamtamasyz etý úshin jelini birneshe bazalyq stansamen qurý qajet, alaıda qurylystardyń tyǵyzdyǵy buǵan kedergi bop tur, onyń ústine jelini bulaısha salý operatorlarǵa kommersııalyq turǵyda tıimsiz bolýy múmkin.
Keıbir iri baılanys operatorlary jıilikterdi bolashaqta paıdalaný úshin rezervke qoıady, ıaǵnı ázirshe paıdalanbaıdy nemese bir-eki bazalyq stansalarda ǵana paıdalanyp, jelini ári qaraı damytpaıdy. Mundaı jaǵdaıda basqalardyń baılanys qyzmetin usyný múmkindigi shekteledi.
Qazirgi ýaqytta iri qalalarda WLL baılanys jelisinde RJM-ti tıimsiz paıdalaný jaǵdaıy beleń alyp, radıojıilik resýrsy shektelgendikten, ozyq tehnologııalardyń damý úrdisi toqyrap tur. Bul rette, aıta ketý kerek, WLL tehnologııalaryna arnalǵan jıilik dıapazondarynda jańa tehnologııalar, sonyń ishinde 5G jelisi de qarqyndy túrde damyp jatyr.
