Tasqynǵa – tosqyn

Atap aıtqanda, 9,4 shaqyrym ózen arnalary qaıta qurylyp, 22,2 sha­qy­rym tazartyldy. 8,2 shaqyrym qor­ǵanys bógetteri salynyp, 8,1 sha­qy­­rym bógetterde aǵymdaǵy jón­deý ju­mystary júrgizildi. Eki gıdro­teh­nı­ka­lyq qurylys salyndy. 4 jergilikti qu­laqtandyrý júıe­si ornatyldy. Avto­mobıl jolynyń astyn­daǵy sý ótkizý qubyry aýystyryl­dy.

Buǵan qosa atalǵan eldi mekenderdi sý tasqynyna qarsy qorǵaý úshin TJM jergilikti atqarýshy organdarmen iske asyrylatyn eki negizgi baǵdarlamalyq qujattar sheńberinde sý tasqynyna qarsy jumystardyń oryndalýyna monıtorıng boıynsha jumys júrgizilýde. Jalpy, sý tasqynyna qarsy is-sharalar keshenin iske asyrý barysynda 340 eldi mekende sý basý qaýpi joıyldy. 385 eldi mekende qaýip azaıtyldy. Búgingi tańda sý tasqyny qaýpi bar 1 010 eldi mekenniń 285-i úshin yqtımal qaýip saqtalýda.

О́tken táýlikte óńirler aýmaǵynda jergilikti atqarýshy organdar men TJM kúshteri Aqmola, Aqtóbe, Batys Qazaqstan, Shyǵys Qazaqstan, Pavlodar, Túrkistan oblystarynda jáne Nur-Sultan qalasynda 144 379 tekshe metr erigen qar sýyn sorý jumystaryn júrgizdi. Sondaı-aq Aqmola, Batys Qazaqstan, Shyǵys Qazaqstan, Pavlodar, Aqtóbe oblystarynda 7 961 ınertti materıal salynǵan qap tóseldi. Batys Qazaqstan oblysynda 250 sharshy metr alqapta ózenderde muz kesý jumystary júr­gi­zil­di.

Batys Qazaqstan oblysynda avarııa­lyq-qutqarý jumystaryna Mań­ǵys­taý jáne Atyraý oblystarynyń TJD kúshteri men quraldary jeke quramnan 92 adam, 13 birlik tehnıka, 2 júzý quraly jáne 6 motopompa jumyldyryldy. Qazirgi ýaqytta Batys Qazaqstan oblysynda sý basqan 53 turǵyn úıi men Aqtóbe oblysynda 57 saıajaı úıi baqylaýda tur. О́tken táýlikte Batys Qazaqstan jáne Aqtóbe oblystarynda 773 adam evakýasııalandy. Olar ýaqytsha evakýasııalaý pýnktteri men týystarynyń úılerine ornalastyryldy. Qaıtys bolǵan jáne zardap shekken adamdar týraly aqparat tirkelgen joq. TJM «Qazavıaqutqarý» AQ tikushaǵymen Jaqsybaı aýylynan Oral qalasyna 2 júkti áıel jetkizildi.

О́tken táýlikte Batys Qazaqstan oblysynda 99 turǵyn úıdi, Aqtóbe oblysynda 57 saıajaı úıin jáne 21 aýla aýmaǵyn sý basty. Aqtóbe oblysynyń respýblıkalyq mańyzy bar joldarynyń 2 ýchaskesinde, sondaı-aq Aqtóbe, Qara­ǵandy, Batys Qazaqstan jáne Aq­mo­la oblystarynyń oblystyq jáne jer­gi­likti mańyzy bar 14 ýchaskesinde sý tasýda.

Osy jumystarǵa TJM, IIM, UQK ShQ, JAO 2 229 adam, 489 birlik tehnıka, 238 sý aıdaý quraly jáne 27 júzý quraly jumyldyryldy. Onyń ishinde TJM jeke quramynan 974 adam, 117 birlik tehnıka, 145 sý aıdaý quraly, 21 júzý quraly bar.