Atap aıtqanda, buǵan deıingi iri jarystarda júldeli oryndardan kórinip júrgen Narıman Qurbanov «at» ústindegi jattyǵý jarysynda barlyq qarsylasyn artqa tastap, Álem kýbogynyń jeńimpazy atandy. Jerlesimizdiń fınaldyq saıysta top jarýyna 14,633 upaı jetkilikti boldy. Ekinshi oryndy 14,466 upaı jınaǵan albanııalyq Matveı Petrov ıelense, qola júlde fransýz Tommason Sırılge (14,333) buıyrdy. N.Qurbanov osydan bir aı buryn Dohada (Qatar) ótken Álem kýbogy kezeńinde de úzdikter qatarynan kórinip, altyn medal jeńip alǵan bolatyn. Sol joly otandasymyz «at» jattyǵýynda 15,200 upaı jınaǵan edi.
Sonymen qatar Bakýdegi Álem kýbogy kezeńiniń fınalynda erkin jattyǵý boıynsha baq synaǵan Mılad Karımı 14,300 upaı jınap, kúmis júldege qol jetkizdi. Izraıl sportshysy Artem Dolgopıat (14,700) jarys jeńimpazy atansa, ırlandııalyq Eımon Montgomerı
(14,066) qola júldeni qanaǵat tutty. Aıta keteıik, M.Karımı bir aı burynǵy Dohadaǵy týrnırde de kúmis júlde ıelengen edi.
