Onyń aıtýynsha, naýryz aıynda iskerlik belsendilik geosaıası jaǵdaıdyń kúrt ózgerýine jáne ekonomıkanyń odan ári damýyna qatysty belgisizdiktiń joǵary deńgeıine qysym kórsetti.
«Naýryzda iskerlik belsendilik ındeksi tómendep, 48,3 qurady (aqpanda - 50,6). Iskerlik belsendiliktiń tómendeýine ónerkásip jáne qyzmet kórsetý sektorlary boıynsha sýbındeksterdiń tıisinshe 48,2 jáne 48,4-ke deıin tómendeýi áser etti (aqpanda - 51,4 jáne 50,6). Sonymen qatar, qurylysta ındeks máni 47,1-ge deıin ósti (aqpanda - 46,0)», dedi Rústem Orazalın.
О́ńirlerde IDA eń tómen máni Soltústik Qazaqstan oblysynda (40,0), eń joǵary máni Túrkistan (55,4) jáne Mańǵystaý (54,2) oblystarynda tirkelgen.
2022 jylǵy naýryzda kásiporyndardyń baǵalaýy boıynsha bıznesti júrgizýdiń aǵymdaǵy sharttary nasharlady: oń jáne teris jaýaptar arasyndaǵy teńgerim (-) 9,3 (aqpanda - (-)2,4) qurady, barlyq sektorlarda nasharlaý baıqaldy. Bıznes-sharttardy baǵalaýdyń barlyq faktorlary boıynsha teris jaýaptar basym boldy.
Salyq júktemesin baǵalaý aqpan aıynda (-) 5,5-ten naýryz aıynda ( - ) 3,4-ke deıin jaqsardy, biraq áli de teris bolyp otyr. Suranys is júzinde ózgergen joq (-3,8). Respondentterdiń baǵalaýy boıynsha qalǵan faktorlar (kommýnıkasııalarǵa qol jetkizý, qarjy/nesıege qol jetkizý jáne bıznesti qorǵaý máseleleri) birshama nasharlady.
Sondaı-aq aldaǵy 6 aıǵa kásiporyndardyń bolashaq bıznes-sharttarǵa qatysty senimdiliginiń tómendeýi baıqaldy: bolashaq sharttardy baǵalaý 2021 jylǵy qańtardan bastap alǵash ret teris bolyp, (-) 5,2 (aqpanda - 21,5) qurady.
Nátıjesinde aǵymdaǵy jáne bolashaq bıznes-jaǵdaılardyń ortasha baǵasyn bildiretin bıznes-klımat ındeksi tutastaı alǵanda ekonomıka boıynsha aıtarlyqtaı nasharlap, (- ) 7,2 (aqpanda - 11,4) qurady.
2022 jylǵy naýryzda saýalnamaǵa 465 kásiporyn qatysty: qurylysta – 71, ónerkásipte – 177, qyzmetterde – 217.
