– Bizdi Germanııa tennısshilerine qarsy óte qıyn matchtar kútip tur. Dese de, bizde fınaldyq kezeńge joldama alatyn jaqsy múmkindik bar. О́ıtkeni biz óz elimizde, jankúıerlerimizdiń aldynda oınaımyz. Bul sportshylarǵa qosymsha kúsh beredi. О́z elińde, óz jerińde kortqa shyǵý erekshe áser syılaıdy. Jankúıerlerimiz úlken qoldaý kórsetedi. Maǵan osyndaı atmosfera unaıdy. Ulttyq quramadaǵy alǵashqy oıynymda qalaı óner kórsetkenim esimde joq, tek jeńiske jetkenimdi bilemin. Sol kezde qatty qobaljyǵan bolýym kerek, – dedi Iýlııa Pýtınseva.
Iýlııa Pýtınseva Qazaqstan quramasyndaǵy alǵashqy oıynyn 2014 jyldyń aqpan aıynda Indonezııa quramasymen ótkizip, Vıta Medıanany eki sette 6:2, 6:1 esebimen jeńgen bolatyn.
– Germanııa quramasy – myqty qarsylas. О́ıtkeni olar Bıllı Djın Kıng týrnıriniń turaqty qatysýshylary. Biz bul oıyndy óz elimizde ótkizetindikten, match aldynda azdaǵan basymdyqqa ıemiz. Aldaǵy oıynda tek ózimiz úshin emes, búkil eldiń namysy úshin oınaıtyn bolǵandyqtan, kortqa tek jeńis úshin shyǵamyz. Ulttyq quramadaǵy alǵashqy oıynymdy 2009 jyly Aýstralııada Azııa/Tynyq muhıt aımaǵynyń ekinshi tobyndaǵy Federasııa kýbogy jolyndaǵy básekede ótkizdim. Galına Voskoboevamen juptyq matchta Iran quramasymen oınap, 6:0, 6:0 esebimen jeńiske jetkenbiz. Bul match meniń esimde ómir boıy saqtalyp qalady, – dep atap ótti Z.Dıas.
– Ulttyq quramadaǵy ár oıynymyzda bar kúshimdi salyp oınaýǵa tyrysamyz. Germanııa sapyndaǵy oıynshylardyń bári tájirıbeli ekeni belgili. Sondyqtan bul match óte tartysty ótedi dep esepteımin. Álem birinshiliginiń irikteý kezeńderinde jeńil matchtardy kútýdiń qajeti joq, sondyqtan ár matchqa daıyn bolýymyz kerek. Ulttyq quramada alǵash ret 2019 jyly Azııa/Tynyq muhıt aımaǵynyń birinshi tobynda elordadaǵy Ulttyq tennıs ortalyǵynda oınadym. Galına Voskoboevamen juptyq básekede kortqa shyǵyp, Taıland komandasyn esh qıyndyqsyz jeńgen edik, – dedi Anna Danılına.
Aıta keteıik, Qazaqstan men Germanııa arasyndaǵy oıyn 15-16 sáýir kúnderi elordadaǵy «Dáýlet» tennıs ortalyǵynda ótedi.
