BUU ókilimen jyly shyraıly júzdesý

Parlament Senaty Áleýmettik-mádenı damý jáne ǵylym komıtetiniń tóraǵasy Aqan Bıjanov pen Konstıtýsııalyq zańnama, sot júıesi jáne quqyq qorǵaý organdary komıtetiniń tóraǵasy Serik Aqylbaı BUU-nyń Dinı nanym-senim bostandyǵy jónindegi arnaýly baıandamashysy Haıner Bılefeldtpen kezdesti, dep habarlady Senattyń baspasóz qyzmeti. Kezdesý barysynda Qazaq­stan­nyń din salasyndaǵy zańnamalyq bazasynyń jaǵdaıy men damýy, 2011 jylǵy 11 qazandaǵy «Dinı qyzmet jáne dinı birlestikter týraly» jańa Zańdy iske asyrýdyń máseleleri, sondaı-aq, dinı birles­tikterdiń qyzmeti týraly pikir almasyldy. A.Bıjanov óz sózinde táýelsizdik alǵannan beri Qazaqstanda adam quqyqtary men bostandyǵy turǵy­synda, dinge qurmetpen qaraıtyn demokratııalyq memlekettik saıasat júrgizilip kele jatqanyn atap ótti. Dinı senimine qaramastan, azamat­tardyń bostandyǵy, memleket pen dinniń bir-biriniń isine aralaspaý qaǵıdasy bekitilgen Konstıtýsııa memlekettik saıasattyń negizi bolyp tabylady. Senator, sondaı-aq, musyl­man­dardyń Qurban aıt mereke­siniń alǵashqy kúni men pravos­la­vıelikterdiń Rojdestvo merekesin demalys dep jarııalaý týraly Qazaqstan Prezıdentiniń Jarlyǵy memlekettiń dinge degen qurmetiniń kórinisi bolyp tabylatynyn atap ótti. О́z kezeginde S.Aqylbaı «Dinı qyz­met jáne dinı birlestikter týraly» Zańdy iske asyrý men elimiz­degi dinı qyzmetti quqyqtyq retteý máselelerine egjeı-tegjeıli toqtaldy. Haıner Bılefeldt senatorlardy Qazaqstanǵa saparynyń barysy men elimizdegi memlekettik organdardyń, memlekettik emes uıym­dardyń ókilderimen kezdesý­leri, Almaty, Astana jáne Qara­ǵandy oblystarynda bolǵany týraly habardar etti. «Kezdesken adamdardyń bári Qazaqstanda din salasynda tolerantty ahýal men úılesim qalyptasqanyn aıtty. Bul meniń baıandamamda jarııa etiletin bolady», dedi H.Bılefeldt. Júzdesý barysynda áńgime­le­sý­­shiler Qazaqstandaǵy din sala­­syndaǵy zańnama tutastaı alǵan­da halyqaralyq erejeler men stan­darttarǵa sáıkes keletinin atap ótip, osy saladaǵy zańnamany je­til­dirý joldary týraly pikir almas­­ty.