Aıtýly oqıǵaǵa elimizdiń Densaýlyq saqtaý mınıstri Ajar Ǵınııat, DDU Eýropalyq aımaqtyq bıýrosynyń dırektory Hans Klıýge, Almaty oblysynyń ákimi Qanat Bozymbaev, О́zbekstannyń memlekettik medısınalyq saqtandyrý qorynyń atqarýshy dırektory Farrýh Sharıpov, О́zbekstan Densaýlyq saqtaý mınıstrliginiń medısınalyq saqtandyrý júıesin engizý basqarmasynyń basshysy Abdýrahım Iýldashev pen О́zbekstan Respýblıkasynyń densaýlyq saqtaý uıymdarynyń basqa da ókilderi qatysty.
Densaýlyq saqtaý mınıstrliginiń basshysy MSAK júıesin reformalaý týraly, mýltıdıssıplınarlyq komandalar qalaı qurylǵany jáne mamandardy olarda jumys isteýge oqytý týraly baıandady.
«Qazaqstanda 6 myńnan astam MSAK (medısınalyq-sanıtarlyq alǵashqy kómek) ortalyǵy jumys isteıdi. Olardyń 90%-y – jalpy praktıka dárigerleri men pedıatrlary bar ýchaskeler. Biz syrqattardyń qajettilikterin eskere otyryp, MSAK nysandaryn kóbeıtýdi josparlap otyrmyz. 2025 jylǵa deıin 500 ýchaske salynady, bıyl 100-den astam ýchaske paıdalanýǵa beriledi», dedi A.Ǵınııat.
Sondaı-aq mınıstr sozylmaly juqpaly emes aýrýlardyń aldyn alý men oǵan qarsy kúreske, pasıentterdiń óz densaýlyǵy úshin ortaq jaýapkershiligin arttyrýǵa, medısınalyq personaldyń ózara áreketin jaqsartýǵa jáne yqtımal asqynýlardyń aldyn alýǵa baǵyttalǵan barlyq qolda bar resýrstardy paıdalanýǵa baǵyttalǵan aýrýlardy basqarý baǵdarlamasyn sátti engizýge qatysty sóz qozǵady.
Dóńgelek ústel otyrysynan keıin mınıstr bastaǵan sheteldik qonaqtardyń delegasııalary aýrýhanany aralap, pasıentterdi bólýdiń tıraj-júıesimen, sondaı-aq MSAK mýltıdıssıplınarlyq komandalarynyń jumysymen tanysty.
A.Ǵınııat MSAK brıgadalary KVI pandemııasymen kúres pen halyqty vaksınalaý naýqanyna tartylǵany týraly habarlady. Esik qalasyndaǵy Eńbekshiqazaq kópbeıindi aýdanaralyq aýrýhanasy bazasynda Dúnıejúzilik densaýlyq saqtaý uıymynyń medısınalyq-sanıtarlyq alǵashqy kómek kórsetýde alǵashqy demonstrasııalyq alańy saltanatty túrde iske qosyldy.
«Demonstrasııalyq alań ashýdaǵy maqsat – dárigerge baǵyttalǵan MSAK qyzmetterin kórsetýdiń bıomedısınalyq modelin MSAK kópbeıindi komandalary negizinde anaǵurlym tutas tásilge, ıaǵnı medısınalyq-áleýmettik kómek modeline qarqyndy qaıta qurýda Qazaqstannyń tájirıbesimen almasý kózdelinip otyr», dedi A.Ǵınııat.
Mınıstr elimizde MSAK júıesi qurylatyn mýltıdıssıplınarlyq tásil emdeýdiń barlyq kezeńinde kórsetiletin medısınalyq kómektiń: ýchaskelik qyzmetten aýrýhanalardaǵy mamandandyrylǵan kómekke deıingi úzdiksizdigi men sabaqtastyǵyn qamtamasyz etýge múmkindik beretinin atady.
«Qazaqstanda, atap aıtqanda, Esik qalasynda Demonstrasııalyq alań ashý DDU-nyń Qazaqstannyń MSAK-ty damytýdaǵy jetistikterin moıyndaýdyń nátıjesi dep bilemiz. Biz Eńbekshiqazaq aýdanaralyq kópsalaly aýrýhanasy sııaqty uıymdardyń zamanaýı ınnovasııalyq tehnologııalardy qoldanýdaǵy tájirıbesi men jetistikterin basqalarǵa úlgi etýge umtylamyz», dedi mınıstr.
«Qazirgi zamanǵy jańa jaǵdaılarda Qazaqstan MSAK-ty qosa alǵanda, densaýlyq saqtaý júıesin jolǵa qoıyp, halyqqa neǵurlym tıimdi qyzmet kórsetý úshin ony kúsheıtý jóninde sharalar qabyldady. Bul – DDU-nyń qoldaýymen Qazaqstanda Eńbekshiqazaq kóp beıindi aýdanaralyq aýrýhana bazasynda medısınalyq-sanıtarlyq alǵashqy kómek kórsetý boıynsha kópbeıindi komandalar qyzmetiniń tabysty mysaly retinde demonstrasııalyq alań ashýǵa yqpal etti», deıdi Hans Klıýge.
Endigi jerde mundaı alańdar DDU Eýropalyq aımaǵynyń úsh elinde: Qazaqstan, Ispanııa jáne Shvesııada bastamashy bola alady.
Osydan keıin doktor Hans Klıýge Almaty oblysynyń Esik qalasynda Eńbekshiqazaq kópbeıindi aýdanaralyq aýrýhanasy bazasynda elimizdegi medısınalyq-sanıtarlyq alǵashqy kómek kórsetý salasyn reformalaý taqyrybynda ótken dóńgelek ústelge qatysyp, úzdiksizdik pen sabaqtastyqqa negizdelgen MSAK kópbeıindi komandalarynyń bıomedısınalyq modelinen keshendi modeline kóshýdegi Qazaqstannyń tájirıbesi talqylandy.
ALMATY
