QPL bapkerleri arasynda júrgizgen sa-ýaldama qorytyndysy boıynsha, OLIMPBET fýtboldan Qazaqstan chempıonatynyń naýryz aıyndaǵy eń úzdik bapkeri dep «Kaspıı» klýbynyń jattyqtyrýshysy Nıkolaı Kostov tanyldy. Ekinshi oryndy Qurban Berdyev («Qaırat») ıelense, úzdik úshtikti Rýslan Kostyshın («Aqsý») túıindedi. Al chempıonattyń úzdik shabýylshysy ataǵyna alǵashqy úsh týrda 4 gol soqqan «Qaırattyń» surmergeni Hose Kante ıe boldy. Ekinshi oryn «Kaspııdiń» jartylaı qorǵaýshysy Ratı Ardazıshvılıge, úshinshi oryn «Aqtóbe» fýtbol komandasynyń jartylaı qorǵaýshysy Ýgo Vıdemontqa buıyrdy.
Naýryz aıynyń úzdik golyn anyqtaý maqsatynda jankúıerler arasynda ótkizilgen saýaldama nátıjesi boıynsha, «Aqtóbe» fýtbolshysy Ýgo Vıdemonttyń goly birinshi orynǵa ıe boldy. Atalmysh goldy Vıdemont 2-týrda «Atyraý» qaqpasyna soqqan edi (2:1). Bul nátıjeli soqqy 894 (43,57 %) jankúıerdiń daýysyna ıe boldy.
