Aǵylshyn tilin tereń meńgerip, Nazarbaev ýnıversıtetine túsýge daıyndalyp júrgen Janerke onlaın túrde oqý kýrstarynan ótip, sheteldegi baıqaýlarǵa da qatysqan. Nátıjesinde, AQSh memleketiniń 8 ýnıversıtetinen shaqyrtý aldy. Búginde Túrkııa memleketiniń joǵary oqý oryndaryna da qujattaryn tapsyryp, nátıjesin kútip otyrǵan bilimdi jas osyndaı joǵary nátıjege jetýine basty sebepker bolǵan mektebiniń ustazdaryna dán rıza. «Janerke karantınde mektep qashyqtan oqý formatyna aýysqan kezde ýaqytyn bosqa ótkizbeı, aǵylshyn tilinen qosymsha sabaqtarǵa qatysyp júrdi. Repetıtordan onlaın dáris aldy. Eshqandaı gımnazııa, lıseı emes, jalpy bilim beretin mektepte oqıdy. Boston, Nıý-Iork, Chıkago qalalarynda ornalasqan joǵary oqý oryndarynan shaqyrtý keldi. Búkil aýyl qatty qýanyp jatyrmyz», deıdi mektep dırektory Qaldygúl Tursynbekova.
Túrkııadaǵy ýnıversıtetke qujat tapsyrǵan Janerke bolashaqta dáriger bolǵysy keledi.
Túrkistan oblysy
