Elordadaǵy Ulttyq akademııalyq kitaphanada aıtys aqyndary men jyrshy-termeshilerdiń halyqaralyq odaǵynyń uıymdastyrýymen «Qazaqstan aıtys aqyndary» atty anyqtamalyq kitaptyń, Dáýletkereı Kápulynyń «Shertolǵaq» atty aıtystar jınaǵy men Aıtbaı Jumaǵulovtyń «Qazaq ádebıetiniń dáýirleý tarıhy» atty ǵylymı eńbektiń tusaýkeseri ótti.
Aqyn, «Daryn» memlekettik jastar syılyǵynyń laýreaty Dáýletkereı Kápulynyń «Shertolǵaq» jınaǵy – aıtys alańyndaǵy jemisti de jeńisti jyldarynyń nátıjeli bir qorytyndysy eken. Tanymal jyr júırikterimen sóz saıystyra toptastyrylǵan bul týyndydaǵy ana tilimizdiń ǵajaıyp múmkindigi men baılyǵyn pash etken kelisti de kórkemsóz kesteleri, oryndy teńeýler men sýret-boıaýlar, qoǵamdaǵy san alýan kókeıkesti máselelerge qatysty salmaqty pikir, salıqaly oılar kim-kimdi de beıjaı qaldyrmaıdy. Aıtysker aqyn, fılologııa ǵylymdarynyń kandıdaty Aıtbaı Jumaǵulovtyń «Qazaq ádebıetiniń dáýirleý tarıhy» monografııasynda ulttyq ádebıettanýdaǵy qazaq ádebıetiniń tarıhyn dáýirleýdiń bir ǵasyrǵa jýyq ǵylymı tájirıbeleri taldanyp, dáýirleýdiń hronologııalyq prınsıpteriniń ǵylymı jáne ádisnamalyq negizderi qarastyrylypty.
Al «Qazaqstan aıtys aqyndary» atty jınaqta respýblıkanyń barlyq aımaqtaryndaǵy aıtys ónerine eńbek sińirip, tól ónerimizdiń damýyna aıtarlyqtaı úles qosqan ardager aqyndardan bastap, býyny bekip kele jatqan jas aıtyskerlerge deıin málimetter toptastyrylypty. Aıtyskerlerdiń qysqasha ómirbaıany men aıtysta el aýzynda qalǵan utqyr oıly birer shýmaqtar da jarııalanypty.
Aıtys aqyndarynyń jetekshisi, aqyn Júrsin Erman júrgizgen basqosýda fılologııa ǵylymdarynyń doktorlary Myrzataı Joldasbekov, Namazaly Omashev, Tursyn Jurtbaev, jazýshy Álibek Asqar jáne aıtysker aqyndar men ǵalymdar tusaýy kesilip otyrǵan kitaptarǵa baılanysty sóz qozǵap, jalpy aıtys óneri jóninde de oı-pikirlerin ortaǵa saldy.
Berik SADYR,
«Egemen Qazaqstan».
Aqyn, «Daryn» memlekettik jastar syılyǵynyń laýreaty Dáýletkereı Kápulynyń «Shertolǵaq» jınaǵy – aıtys alańyndaǵy jemisti de jeńisti jyldarynyń nátıjeli bir qorytyndysy eken. Tanymal jyr júırikterimen sóz saıystyra toptastyrylǵan bul týyndydaǵy ana tilimizdiń ǵajaıyp múmkindigi men baılyǵyn pash etken kelisti de kórkemsóz kesteleri, oryndy teńeýler men sýret-boıaýlar, qoǵamdaǵy san alýan kókeıkesti máselelerge qatysty salmaqty pikir, salıqaly oılar kim-kimdi de beıjaı qaldyrmaıdy. Aıtysker aqyn, fılologııa ǵylymdarynyń kandıdaty Aıtbaı Jumaǵulovtyń «Qazaq ádebıetiniń dáýirleý tarıhy» monografııasynda ulttyq ádebıettanýdaǵy qazaq ádebıetiniń tarıhyn dáýirleýdiń bir ǵasyrǵa jýyq ǵylymı tájirıbeleri taldanyp, dáýirleýdiń hronologııalyq prınsıpteriniń ǵylymı jáne ádisnamalyq negizderi qarastyrylypty.
Al «Qazaqstan aıtys aqyndary» atty jınaqta respýblıkanyń barlyq aımaqtaryndaǵy aıtys ónerine eńbek sińirip, tól ónerimizdiń damýyna aıtarlyqtaı úles qosqan ardager aqyndardan bastap, býyny bekip kele jatqan jas aıtyskerlerge deıin málimetter toptastyrylypty. Aıtyskerlerdiń qysqasha ómirbaıany men aıtysta el aýzynda qalǵan utqyr oıly birer shýmaqtar da jarııalanypty.
Aıtys aqyndarynyń jetekshisi, aqyn Júrsin Erman júrgizgen basqosýda fılologııa ǵylymdarynyń doktorlary Myrzataı Joldasbekov, Namazaly Omashev, Tursyn Jurtbaev, jazýshy Álibek Asqar jáne aıtysker aqyndar men ǵalymdar tusaýy kesilip otyrǵan kitaptarǵa baılanysty sóz qozǵap, jalpy aıtys óneri jóninde de oı-pikirlerin ortaǵa saldy.
Berik SADYR,
«Egemen Qazaqstan».
