Tasqynǵa tosqyn

Daladaǵy jáne Baıanaýyl taýlaryndaǵy qar erip, jer de qurǵaı bastaǵan kezde, 1 sáýirge qaraǵan túni Qaraashy aýylyna Qaraǵandy oblysy jaǵynan tasqyn sý keldi. Kórshi oblys aýmaǵynda Aqjar jáne Qaratoǵa degen eki sý bógeti bar kórinedi. Qaratoǵa sý bógetiniń 6 sý ótkizý quralǵysy ashyq, sodan Aqjar sý bógetine sý jınalǵan. Mine, osy eki sý bógetterinen aqqan tasqyn sý Qaraashy aýylyna qaýip tóndiripti. Aldyn ala daıyndalǵan jumys barysynda aýyl azamattary bar, oblystyq tótenshe jaǵdaılar departamentiniń jeke quramy, arnaıy tehnıkalar da der kezinde úlgerdi. Saqtyqta qorlyq joq degen osy. Tas­qynǵa tosqyn qoıyldy. Aýyl irgesindegi sý qoımasy bekitildi. Tas, qıyrshyq tas aralas qum tóseldi. Topyraq toltyrylǵan 400 qap ınertti materıaldar qory ázirlendi. Sonymen qatar, Qaraashyda Tótenshe jaǵdaılar jónindegi shtab quryldy. Kezekshilik jumys jasaýda. Aýyl aman-esen. Baıanaýyl aýdanynyń áki­mi Ernur Áıtkenovtiń málim­deýin­she, qazir Qaraashy aýylyn sý basý qaýpi joq. Qa­raashy ózeniniń arnasynan shyqqan sý Teńdik aýyly mańyndaǵy alqaptardy toltyrýda. Odan ári tasqyn sý Ashysý degen ózenge quıady. Al, aldyńǵy jyldary kóktemgi sý tasqyny saldarynan tótenshe jaǵdaılar oryn alǵan Aqtoǵaı aýdanynyń Sholaqsor aýyly aýmaǵy da Tótenshe jaǵdaılar departamentiniń baqylaýynda. Sonymen qatar, Qanysh Sátbaev atyndaǵy arna boıy da tekserilýde. Oblys ákiminiń birinshi orynbasary Dúısenbaı Turǵanovtyń basshylyǵymen jedel top Aqtoǵaı aýdany Sholaqsor aýylynda júr. О́ıtkeni, Sileti sý qoımasynan aǵyny kúshti tasqyn sý jiberilgen. Sý qoımasyn sý shaıyp ketý qaýpi bar jerleri bekitildi. Tótenshe jaǵdaılar departamentiniń 10 birlik arnaıy tehnıkasy men 35 adamnan quralǵan jeke quramy Sholaqsor aýylynda. Jeke quram mek­tep­te jumys jasaýda, komandalyq-shtab­tyq mashına jumysqa daıyn. Sý aǵyny men saǵasyn baqylaıtyn kezekshi beketter uıymdastyrylǵan. 2 sáýir kúngi jaǵdaı boıynsha sýdyń kelýi baıqalmady. Aýyl turǵyndary mektep pen mádenıet úıinde ashyl­ǵan evakýasııalyq pýnk­t­te. Turǵyndardyń maly aýdan­nyń Qyryqúı aýyly janyndaǵy qaýipsiz jerge jiberildi. Tasqyn sý qaý­pi­niń aldyn alý boıynsha jumystardy Tótenshe jaǵdaılar jónindegi departament bastyǵy, polkovnık Murat Aıtjanov basqarýda. О́ńirdegi kóktemgi sý tasqyny jaǵdaıy oblys ákimi Qanat Bozymbaevtyń jeke baqylaýynda tur. Farıda BYQAI, «Egemen Qazaqstan». Pavlodar oblysy.